梁朝偉封帝感激杜琪峯啟發！余香凝首膺影后喜極而泣

當杜琪峯頒發「最佳男主角」給梁朝偉，他認識對方四十年，當時都知對方勁，估不到勁得咁犀利。梁朝偉表示多謝導演會，好開心在杜琪峯手上得獎，自己入行時第一部戲《鹿鼎記》，對方給好多大啟發，指他的妝不得，令他很多啟發。杜琪峯聞言說：「係你啟發咗我！」兩人其後拖手落台，十分老友。

獲頒「最佳男主角」的梁朝偉，表示好開心，有人能夠認同鼓勵他，尤其在杜琪峯手上拿獎特別開心。他說：「拍《鹿鼎記》第一日開工點拍而家仍然記得。因為我出場好市井，佢嫌個妝唔夠污糟，畀我好多啟發，做演員除咗演得好外，造型都要有啲諗法。希望同杜琪峯再合作，不過好多嘢講緣份，唔知大家諗法係咪一樣。因為要花多啲時間一齊，所以要睇嚇對生活嘅睇法，係咪了解人生觀、價值觀，先知可唔可以一齊拍電影。」

梁朝偉爆是枝裕和合作大計

問到經歷很多大家變了不同？梁朝偉表示不覺得，今次見面傾計依然是好朋友，人生觀、價值觀要再討論。談到杜琪峯被他啟發，梁朝偉說：「人與人之間要互相啟發，冇邊個多或少。」

提到可有信心再下一城得獎？他說：「拍戲付出咗都已經值得，有獎拎更加好。」

對於日本導演是枝裕和表示為他度身訂造劇本，梁朝偉坦言去年東京電影節見過對方，經已有這個計劃，但未知何時開拍及戲種。至於有份參與歐洲片，他表示本月22日出發到德國，繼續努力準備。

余香凝有信心金像獎再封后？

獲頒「最佳女主角」的余香凝接受訪問時，喜極而泣。她坦言在台上未反應過來，看似淡定，但其實很緊張。

她說：「落到台見到大家，所以好激動，一直以來行到呢一步好神奇，尤其在嘉玲姐手取得特別有意義，第二部電影就同佢合作，戲份唔多，但好感恩，聽到台下好多拍手聲，覺得好多人好錫我，好開心跟梁朝偉同框得獎，希望可以同佢合作。」可有信心於金像獎再次得獎？余香凝坦言沒有想得太遠，今晚盡興先，因為去年懷孕不可以玩。

未完待續,請點擊「下一頁」繼續閱讀