原標題：TVB最美媳婦有望爭視後！她卻這樣回應：觀眾投入我已好滿足

羅子溢幫老婆揀肉搏對手　王敏奕唔敢諗視後：觀眾投入我已好滿足 | 香港01

《婚後事》本周進入結局篇，一眾主演包括羅子溢、陳自瑤、王敏奕、黎諾懿、羅天宇等（17日）現身宣傳活動。

比起劇情，戲中一幕又一幕嘅親熱戲似乎更多網民討論。

王敏奕在劇中為留住羅子溢，不時拋身色惑，講到上星期伸手入羅子溢褲頭一幕，羅子溢表示大家相識多年，所以絕不尷尬。「鏡頭睇好衝擊，但其實位置係偏離航道。」王敏奕表示老公未睇到呢一幕，但亦唔擔心對方會嬲，因為大家都係演員，希望做出該有嘅效果。

劇集播出後，羅子溢與王敏奕早年在《Y2K系列》合作嘅片段遭網民「出土」，王敏奕笑言當年在劇中是一名迷妹，而當時仲讀緊中學嘅佢仍未入行；羅子溢對當年嘅王敏奕印象十分深刻，因為她每次開工都係著白色校裙。

王敏奕憑Mira一角獲封最靚小三，網民又話「欠佢一個視後」，但同樣「欠一個視後」嘅仲有陳自瑤，王敏奕謙虛表示每個演員在劇中都有好好發揮。「無一個批判性話絕對好定壞，每個角度都有表達嘅嘢，對演員嚟講係好爽，觀眾咁鍾意同投入就係我最大滿足，我已經覺得贏咗。」

問到如果老婆楊茜堯將來接到類似劇本，羅子溢笑言會幫手揀男主角。「我會揀羅子溢，哈！其實嗰時佢拍《家族榮耀》同張智霖有場床戲，我當時都有同佢講：『我同老婆傾過，如果要揀都揀你。』」

王敏奕在劇中被封為「最靚小三」，她說︰「其實拍得我丑了！當時監製一直嫌我肥及大隻，但監製愈要我減肥，我就壓力愈大，愈要吃東西。不過，劇集出來的效果幾好，證明我以後毋須節食。其實，我每次拍他的劇都會胖一點，但效果又可以，相信他要接受我胖一點。」

王敏奕透露已從監製口中聽過《新聞女王2》的故事大綱，非常期待開拍。

她表示其角色仍是跟隨Man姐工作，是上集故事的延續，會有好好的發揮。王敏奕說︰「今次監製會以一個新角度拍攝媒體行業，很貼近大家的生活。」

賴慰玲今日穿上平底鞋出席《婚後事》宣傳活動，她否認有孕，稱只是聽從造型師建議。賴慰玲透露其飾演的Gina將在結局周弱勢回歸，會第3次離開黎諾懿飾演的Davey，又會與王敏奕飾演的Mira修補姊妹情。