娛樂
表情多多曬視後演技！李佳芯湯洛雯自家制節目劇集等播出
有好萊塢演員Feel
以「S6-BO」智能人身份出任代言人的佳芯，則表示感覺如同延續阿寶角色般：「大眾對智能人系有種幻想，我覺得公司用呢個切入點幾好，由阿寶做開頭，之後慢慢進化。（對住綠布景演戲好難？）系，拍劇有少少劇情幫到，平時睇好萊塢嘅演員都系咁演，真系好犀利，自己終於體會到，覺得幾得意。（會唔會要做60幾個表情仲難？）今次嘅表情人類化啲嘅，其實每個人都唔止60個表情，3D Scanning時將佢再細微啲去分類。」
對於其智能人造型製成品身材未夠豐滿，佳芯笑說：「我未見到真身，咁如果太勁（身材）就會有違和感啦，都唔似我。（《智》劇會開續集？）有聽過，不過都要等劇本，可能另一個故事同演員呢，但相信都會好吸引嘅。」
自家制節目劇集 李佳芯湯洛雯省招牌
myTV SUPER Original將推出自家制清談節目《夢中．情．人》及劇集《OPM》，前者暫定於5月底播放，主題乃疫情下令大眾精神緊張，睡眠質素大減，故節目將透過不同派系專家，以不同角度帶大家認識夢境。
屆時除了找來李佳芯及黃庭鋒任節目主持，還邀得解夢師夢妮坦、心理學家吳桂生博士、精神科醫生Isaac Yip、佛學博士George Lee及中醫楊明霞等助陣，佳芯將與嘉賓們分享自己的夢境趣事，還示範不同解夢方法，如莊周解夢、易經、塔羅，以及體驗各種令人容易入睡的方法。
而花旦湯洛雯拍住首任男一的黃庭鋒主演的《OPM》，將於4月29日於myTV SUPER全港獨家首播，全十集一次過上架，該劇以金融為主題，5位來自社會不同階層的人，因股票群組騙案而債務纏身，繼而組成賺錢大聯盟，打開「錢的真相」之門。
文章來源：網易娛樂
