蔡思貝物色00後女生參加港姐！拒提參選時回憶：最重要向前看

對此Ben說：「其實呢句說話喺內地嘅社交平台好流行，間唔中就有網民攞嚟用喺留言或回應上，不過我講緊嘅系25、26年前嘅事，當時我仲讀緊書，搭地鐵遇到個靚女梗系唔夠膽追啦，大家有時唔需要太認真、唔需假當真，咁樣我都被搞到糊塗喇。（擔心太太張寶兒唔開心？）佢冇嘢，反而我未釋懷，希望大家高抬貴手啦。（有網民話寶兒似李施嬅喎。）化妝啫，我對呢啲真系冇曬感覺，搵啲嘢嚟講嚇啩。（太太最靚？）咁當然。」

蔡思貝則表示最難忘拍攝《廉》劇其一一場喪跑戲：「喺觀塘爆咗幾條街一段跑街戲，加上要同鏡頭協調，所以都多NG。雖然跑到身水身汗，但好有滿足感。」

對於新一屆港姐招募展開，身為師姐的她表示：「睇嚇身邊有冇00後女生參加囉。（陳凱琳日前喺港姐特輯中重提當年參選時受抨擊而落淚，你有冇辛酸史？）唔記得曬啦，我哋做人要向前看。其實參選港姐的確有好多難忘事，令當時嘅我發光同有所得著。」

另外，談到明天起起分3階段放寬防疫措施，思貝認為疫情還未正式完結，呼籲大家繼續安全為上。而Ben則表示最想做Gym，及相約朋友食飯。