林欣彤拍MV數度落淚 自詡創作力強 願為歌手朋友寫歌
林欣彤（Mag）早前為新歌《告訴我》拍攝MV時數度感動落淚，她表示開工前沒預計會哭，因不想耽誤拍攝時間，哭花了妝容後又要補妝，之後只好強忍淚水。
Mag續說︰「當日拍到凌晨3點時，有個落水畫面要拍，但最後因為場地問題用唔到水，我好感恩，唔使冒住會冷親嘅危機。」
文章來源：TVB資訊台 W博：@香港TVB資訊台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
她表示《告訴我》是承接舊歌《鐵樹》︰「《鐵樹》係講分咗手要自強、要學習自愛、點樣企番起身療傷，亦都要寬恕。而《告訴我》係想講等候，等候緊究竟離別咗，放低嗰一個喺錯誤時間出現嘅對的人呢？如果係，又有冇得彌補呢？」
Mag表示近年創作了不少作品， 但部分歌曲未知何時才推出。她說︰「我好享受創作過程，當我接收咗好多神嘅愛同治療之後，覺得自己創作能力大大提升。」
除了自己，Mag也很樂意為其他歌手作曲，稱有幾首歌是想著某些歌手朋友而寫成的。她說︰「我以前有首歌《Da Di Da》，就係諗住陳慧敏而寫。我搵佢一齊拍MV同唱和音。有啲歌，我就當禮物咁送畀佢哋。」