逆天奇案2｜張頴康「眼神殺」勁嚇人 麥玲玲親身上陣拍槍戰場口

一波未平一波又起，警方在暗網發現多條高度加密訊息，全由上一輯的魏子樂（張頴康飾）在失憶前發出，並牽涉數以十億計的加密貨幣！心理服務課的阿Wing（林夏薇飾）前往精神病院與魏子樂見面調查案件，由於子樂變得瘋癲，惟一見到仇人阿Wing時，突然「迴光返照」目露凶光，但隔了幾秒後又回復瘋癲狀態，行徑可疑。

張頴康演出搶鏡，將魏子樂瘋癲狀態演繹到位，除了連環「眼神殺」非常嚇人，連串的扭曲肢體動作亦相當吸睛，頴康為角色下了不少心機，更親自設計小動作加強感染力，包括不停眨眼、眼神飄忽、面部抽搐及發出恥笑聲等。

他表示今次演出甚有難度：「魏子樂係一個高智能罪犯，玩電腦、計數都好叻，點解眼睛成日喺度轉，其實係因為佢不停盤算緊一啲嘢，就算佢精神失常都係不停咁盤算，仲有不停發出恥笑緊嘅笑聲。」