肥媽親解與古淖文「母子」關係！為求公平刻意斷聯：有咩著數啫？

肥媽指古淖文得到冠軍，全靠他在最後一首歌的表現：「（古淖文）行去三甲係靠最後一首歌，同吉吉（周吉佩）當年一樣。全世界都畀20分，佢哋（評判）同佢（古淖文）又好咩？」

但她承認以往古淖文經常隨她到世界各地登台，國際性舞台經驗豐富，也是他的優勝之處。

肥媽又表示，決賽當晚她聽完古淖文唱第一首歌，認為他的表現「入到四強已經好好」；

幸好古淖文在第二首歌表現出色：「唱完第二首歌后，我四個心水就係古淖文、黃劍文、譚輝智同顏米羔。而安雅希減咗肥跌咗落嚟，去唔返（之前水平），唱歌時氣量出唔到，突然間減肥減50幾磅係會影響唱歌，但如果每日練氣、做運動去減咁又唔同。」