陳展鵬林夏薇盼劉家豪繼續掌舵開《逆天奇案3》

TVB戲劇總監劉家豪榮休之作《逆天奇案2》本周開播，日前在首播當晚的After Party，男女主角陳展鵬與林夏薇發起集氣，與該劇的台前幕後要求家豪哥繼續掌舵開拍《逆天奇案3》。

展鵬對家豪哥說：「我地相信好嘅作品會延續落去，會有《逆天奇案3》出現，但又點可以冇咗靈魂人物家豪哥？所以我哋一齊集氣，希望家豪哥小休一陣繼續拍劇。」

家豪哥笑言：「我做咗半世紀都唔畀我休息？我好想同孖A（孖孫仔）、小青去旅行呀。」大家起鬨要小青姐批准，小青姐說：「真係好感動大家嘅熱情，不過真係想趁孖A入小學前多陪伴及出外旅遊！」

大家異口齊聲：「玩嚇休息嚇就歸隊喇，家豪哥我哋等你呀！」好友又給家豪哥驚喜，送上一個地球蛋糕，上面有郵輪和飛機，寓意他將開心與小青姐環遊世界。

家豪哥即使心情已準備榮休，但他對該劇緊張程度有增無減，更多謝劇中演員們齊心配合宣傳，家豪哥說：「好多謝獎門人志偉哥（曾志偉）即時調動《獎門人》錄映，而林夏薇、陳展鵬、和張頴康也改動離港時間和行程參與，其他演員都齊心度期宣傳，這份情誼真是無價，留畀我一個美好的回憶。」