原標題：又走一位TVB小花！突遭無線官網除名宣布正式離巢

去年傳犯三宗罪被雪「回家」無期

「熊心如」蘇韻姿突遭TVB官網除名宣布正式離巢

現年30歲的蘇韻姿（Andrea）2016年從加拿大回流參選港姐入行，近年憑處境劇《愛回家之開心速遞》飾演「熊心如（紅衫魚）」一角入屋，惜去年1月傳因遲到、工作態度差及演技無進步等問題而被踢出劇組，直到今年初終獲「解凍」拍新劇，無奈近日再傳出離巢消息，今日（9日）她於IG正式宣布離開TVB！

蘇韻姿去年傳犯三宗罪而遭列入「雪藏」名單，雖然「熊家人」口頭交代她去外地傾生意歸「家」無期，但事隔一年，蘇韻姿終獲解凍接拍《非份之罪》，去年11月出席劇集開鏡時，她自認有不足並謂：「希望嚟緊呢次可以好好把握，亦都會好珍惜呢次機會，做好自己。」近日，蘇韻姿更透露與視後楊茜堯（前名楊怡）合拍新劇《黑色月光》，未料不久便傳出蘇韻姿已離開TVB的消息。

翻查TVB的官網藝人資料，本屬經理人合約的蘇韻姿疑已被下架，其個人IG帳號的介紹欄亦已刪去TVB經理人聯絡資料，惟Facebook仍保留相關資料，旋即惹來約滿離巢的猜測。對此，蘇韻姿回應傳媒時一度以揸緊車為由掛電話，其後再以短訊答：「好快會有消息Update大家，多謝你。」而昨日（8日）她則如常更新IG，並貼出一輯索爆曬腿露背街拍，盡展好身材！

至今日蘇韻姿於IG貼出8年前報名參選港姐照，並撰長文親證約滿離巢：「而家係時候要跳出自己嘅舒適圈，接受新嘅挑戰啦。不經不覺嚟咗香港八年，我已經成長咗好多，學到好多嘢。喺呢一度遇到好多錫我嘅人，實在係好幸運。」

蘇韻姿續多謝一班幕後給予機會及鼓勵，包括《愛回家》監製林建祥（祥哥）、《黑色月光》總監製鍾澍佳及綜藝節目監製們，又謂：「多謝熊家人，冇家人喺香港嘅我，感恩有你哋就有家嘅感覺。最後要多謝關心同錫我嘅台前幕後朋友仔！

等緊埋位，或者收工嘅時候都會同大家一齊傾偈。我會記住一齊度過嘅美好時光！相信喺未來大家一定能夠再遇到，亦都想藉呢個機會衷心祝福所有朋友，能夠在自己嘅舞台上發光發亮。」《星島頭條》就此再向蘇韻姿查詢，但至今仍未有任何回覆。

曾參加2016年港姐的蘇韻姿（Andrea），憑TVB處境劇《愛‧回家之開心速遞》「紅衫魚」熊心如一角成功入屋。

原本在劇中她有望和陳浚霆組成CP，但後來傳出她的工作態度問題未有改善而遭雪藏，之後已不再見她出現《開心速遞》。

近日傳出Andrea離巢消息，她的Ig亦不再見有任何無綫經理人聯絡資料，而無綫官網藝員名單她的名字也被消失。

首先要多謝珍姐（曾勵珍），喺我一個人嚟到香港嘅時候，俾機會我演熊心如，令到我喺香港都可以有一個家。亦都令到多咗人認識我、有不同嘅工作，學到好多中文。多謝您咁多年嘅教導栽培。我會好好緊記你教我嘅一切。

未完待续,请点击「下一页」继续阅读

多謝樂小姐（樂易玲），由選美到入行，一路都好照顧住我，教我點樣做好一個藝人。仲有Management嘅同事，多謝你哋一直嘅照顧及幫忙，我會加倍努力！

多謝志偉哥（曾志偉）！你嘅指導，加上鼓勵，令到我發現自己可以有好多可能性。我會keep 住你俾我嘅正能量。

多謝監製祥哥（林建祥）！喺拍攝愛回家呢幾年嘅鼓勵、你對拍戲嘅熱情、創作力，有直啟發我，真係好榮幸能夠同你合作！

多謝監製佳導（鍾澍佳），俾個好好嘅機會我參與黑色月光，令到我見識多咗，學咗好多嘢，非常期待套劇播出！

仲有好多謝俾機會我嘅綜藝監製們，我知道自己嘅經驗少，所以感激你哋信任，俾我去嘗試不同嘅工作！多謝熊家人，冇家人喺香港嘅我，感恩有你哋就有家嘅感覺。

最後要多謝關心同錫我嘅台前幕後朋友仔！等緊埋位，或者收工嘅時候都會同大家一齊傾偈。我會記住一齊渡過過嘅美好時光！相信喺未來大家一定能夠再遇到，亦都想藉呢個機會衷心祝福所有朋友，能夠在自己嘅舞台上發光發亮。」