原標題：蘇韻姿傳態度差曬劇本被除名！楊茜堯內地拍劇兩個月感內疚

蘇韻姿傳態度差曬劇本辣㷫高層被除名 開腔回應「被離巢」真相

蘇韻姿（Andrea）憑TVB處境劇《愛·回家之開心速遞》「紅衫魚」熊心如一角火速入屋，但疑因工作態度問題未有改善辣㷫高層遭到雪藏，被投閒置散多時。

相隔一段時間，蘇韻姿被解凍，被安排接拍《非份之罪》，並承諾會聽教聽話，想不到她一時太過開心忘形，竟然在IG分享了劇本內容，犯了劇透大忌，又得罪高層，再傳被封殺。

無奈近日再傳出她離巢消息，指在TVB官網藝員名單中她已被除名。

今晚（11/4）Andrea現身尖沙咀出席TVB新劇集《黑色月光》煞科宴，就事件接受《香港01》訪問時否認曬劇本是離巢的導火線：「其實嗰啲都唔係劇本嚟，只不過是其他嘅工作嚟，咁所以並唔係大家所猜測劇啲劇本嚟，係絕對唔係。

（嗰陣時有有被人照肺？）冇，因為嗰啲唔係劇本嚟。（你係約滿還是被終止合約？）公司係有同我傾過，公司都理解我係有新嘅嘢想去做，咁所以大家都覺得呢個情況係比較適合。（提早解約？）公司都同我傾過呢一個轉變係比較適合。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

黑色月光｜楊茜堯內地拍劇兩個月感內疚：大女問我多啲陪佢得唔得

楊茜堯今日（11/4）現身尖沙咀出席TVB劇集《黑色月光》煞科宴。茜堯受訪時表示：「其實拍完呢套劇之後，係有少少失落，係因為可以係完全放鬆嘅狀態行開工，個人係好開心。

因為平時要湊小朋友嘅關係，成個人嘅精神都落咗係兩個小朋友身上，變咗我係喺屋企唔化妝，連有白頭髮我都唔會去染。但到我出返嚟拍劇之後，因為要用最好嘅狀態見大家，我就會注意返自己嘅儀容，會執返得靚啲，變咗成個人嘅狀態又返番嚟。」

茜堯又指因在內地拍劇，長時間與家人分開，內心感到非常內疚：「雖然出返嚟拍劇，做返自己鍾意做嘅嘢，個人係會開心咗好多。但呢近我要抖一抖，因為我怕我嘅小朋友唔認得我，就好似呢套劇我喺內地拍咗兩個月，試過返嚟見大女「小珍珠」嘅時候，佢就會問我點解成日唔喺屋企，又會話我你而家又走？

我話係呀。然之後佢又會話你可唔可以下次唔好去咁耐，你可唔可以留喺屋企耐啲，多啲陪我得唔得？佢又會講我唔想你去，你叫爸爸去做嘢啦。所以我聽到之後，我係好心酸，覺得好內疚，好對唔住佢哋。始終小朋友好快大，咁所以我都要係工作同小朋友之間作出平衡。」