張頴康爆劉德華無脾氣 補貼到正式簽約TVB：貼到夠曬生活
梅小青唔清楚「劉德華契仔」之名
雖然在訓練班不少得閒言碎語，似乎有「劉華光環」的張頴康不免被指有後台，相信最快受力捧、最快接戲的畢業生。張頴康笑言：「事實證明咗，大家咪又係做喺後面做臨時演員行來行去， 行咗好多年先有啲對白講嚇。」
張頴康想起一件趣事，「我聽返嚟，話小青姐（梅小青）搵我做戲，佢話：「咦，佢好似係幫劉德華配音㗎喎！」」對被指在TVB受優待，張頴康笑指：「絕對冇呢件事。」
「劉華光環」為「一世的壓力」
張頴康坦言「劉華光環」是「一世都會有壓力」，故儘量謹言慎行，生怕「影衰」劉德華，「一行差踏錯，就會令華哥個名有蒙羞。」
接下來的故事大家都熟悉，張頴康一路打拚攀上主演位置，一共兩次奪得「飛躍進步男藝員」，劉德華亦拍片恭喜，張頴康在台上公開多謝劉德華，「我敢講，我做演員，某程度上都係因為佢嘅教導出嚟。佢唔係捉你嚟教，而係身教，同佢一齊做嘢，喺公司見到一位咁嘅老細，你都唔會行差踏錯。」
酒吧被落藥捲傷人案險留案底
然而人不輕狂枉少年，張頴康不介意大爆「瘀事」，一次因被落迷藥捲傷人案，險留案底，張頴康估計，應該是被落了「打咗人都唔知嘅藥」，他憶述：「有人同我講：『你係咪華仔簽咗嗰知個演員？一齊飲杯嘢啦！』飲完已經冇咗意識啦。第二日警局打嚟問：『你係咪TVB嘅張頴康呀？』我話係。佢話：『有人投訴TVB嘅張頴康琴晚打佢喎！』我好記得，同佢飲之前都清醒嘅。」
張頴康原以「爛命一條」心態面對，惟麥雅緻不肯罷休，「佢話：『點解會有壇咁嘅嘢㗎？唔得，你同我一齊去法援啦，你唔可以有案底，會跟你一世。』我話：『我冇錢搞咁多嘢喎！』咁佢即刻幫我搵律師，當然都要一筆錢啦，幫我處理咗呢件事。」
幸而最後雙方和解收場。經歷過留案底的危機後，張頴康承認三年內要娶麥雅緻為妻，雖然最後用了四年，但張頴康堅持「非麥雅緻不娶」，兌現了承諾。
