最佳女主持丨麥美恩對陳志雲感抱歉　Mayanne親揭與緋聞男友許文軒關係

最佳女主持丨麥美恩對陳志雲感抱歉

Mayanne親揭與緋聞男友許文軒關係

麥美恩為入行首個個人掛帥清談節目《Mayanne小喇叭》接受雷霆881商業一台《星光背後》主持人梁泰來訪問。加拿大出生，2011年返港參選港姐入行的麥美恩，首次披露當年選美後一度婉拒陳志雲遊說簽約的原因。

之後，麥美恩成為TVB收費台娛樂新聞主播，及至13年憑伙拍森美主持《學是學非》上位，2017年奪萬千星輝頒獎典禮飛躍進步女藝員獎後，今年初以大熱姿態獲頒最佳女主持，被喻為女金牌司儀。同時在節目中，還大談唯一緋聞對象許文軒的真正關係。

向陳志雲說不好意思

回憶當年不理父母反對隻身回港發展，Mayanne否認當年選美是為了入行，「選港姐純粹因為好奇心，我嗰陣諗住一選完就返加拿大，因為我二哥要結婚！」

原來當年她奪得港姐第四名後，TVB即時計劃開一橫線節目讓她主持，當時的總經理陳志雲（Stephen）力邀她留港簽約，但她為親情無奈放棄這難得機會，稱：「這是我第一次講，當年我係好掙扎拒絕咗陳志雲先生，好唔好意思，佢好有慧眼，響佢十樓office，佢不停咁說服我，但我不停咁拒絕佢。」Mayanne坦言，希望透過這次專訪，向陳志雲說聲不好意思。

讚森美是個好「上把」

當年返加國參加完胞兄婚禮後，Mayanne本來已打定輸數留加拿大發展，怎料不久再獲TVB邀回港試鏡，成功後更獲安排一份有月薪人工的娛樂新聞主播工作，Mayanne坦言選美時已表明想做主持，從沒想過當演員：「我自知之明好強，知自己唔靚，我真係一舊飯、一舊蕃薯咁樣入TVB，但我性格優勝在nothing to lose！」

至於後來主動申請轉至翡翠台加入《學是學非》，終憑「下把位」彈起的感受：「選完港姐之後已經冇港姐包袱，喺香港，唔係好多女仔可以做到下把，但對於我嚟講又好容易，我睇好多外國節目女仔做「下把位」做得好好，我唔覺得係畀人恥笑，人哋笑我係因為開心！」

Mayanne指，森美是一個好好的「上把位」：「佢feel到我有嘢同玩得，feel到我識反口咬佢，但我玩得之餘係尊重嘅 ，私底下係humble。」

未完待續,請點擊「下一頁」繼續閱讀