54歲最美「郭襄」復出！不愛打扮曾因素顏嚇壞網民
最可惜她未有機會大顯身手，「今次個個有得威，我冇得有型。」
囝囝知她是演員，亦有看過她的作品，「大打嗰場老公同囝囝嚟現場，我以為囝囝會好有興趣，但佢話『No』，覺得好危險，因為睇住武師打筋斗上檯，再打爛張檯，個武師真係斷咗隻手。」問Sebastian有冇興趣當演員，他說有機會都想嘗試。
支持囝囝為追夢棄讀大學
綺虹強調從未息影，「冇退出，係越嚟越少人邀請就冇拍！」她坦認已半退休狀態，近5年做護士都是想做才做，演出亦不是為錢，如2013年客串好友楊采妮執導電影《聖誕玫瑰》，「你唔畀錢我都會做㗎，哈哈！幫朋友，好玩，有旅遊，好似上次同ViuTV去日本。」
當年因工作量少，她決定返加拿大定居，笑言搵工令她好傷心，「麵包舖同油站都唔請，好失敗。」最後她想到媽咪患精神病，就修讀精神科護士課程，「冇大學證書都讀得，話曬大學畢業，好似有少少退步。」她覺得護士很有意義，體力容許都會一直做，「做到70、80歲，真係enjoy！」
綺虹又好支持囝囝為追夢，放棄讀大學，轉做全職運動員，「我會緊張啲人問佢點解唔讀大學？最重要佢開心，做自己喜歡嘅嘢，有咩問題呢！？」
對於當年誤打誤撞參選港姐，她稱選完就過另一種生活，「好多謝香港觀眾同所有人。」
她又重提當年投資失利，「喺香港見投資者，當時喺加拿大起緊屋，又蝕咗少少錢，好緊張，經理人話『你緊張係因為你有錢去投資、買樓，如果你冇咁多錢，唔會緊張，只會努力去打工』，呢啲係物質嘅煩惱，唔係冇飯食嘅煩惱。」
早前綺虹貼出素顏相被討論，她稱試著自然老去，「唔使搞咁多嘢，見香港之外，外國啲女仔20幾歲已經整，我想睇嚇完全冇傷口，20、30年後個樣會點，同人哋比較嚇。」
她冇做幕前，不但少化妝，連護膚都懶，「我近年眼有問題，油脂分泌塞住，醫生搵Facial儀器幫我通返，又送咗啲護膚品畀我，一搽啲皮膚光咗，有少少上癮，同埋受拍戲刺激，畀啲錢整返靚自己。」
