《獎門人感謝祭》今季最後一集 曾志偉感激觀眾29年來無限支持

《獎門人感謝祭終極篇》昨晚（12日）8點於翡翠台播映，今集是本季《獎門人》最後一集，獎門人曾志偉率領歷屆獎老大曬冷，包括錢嘉樂、林曉峰、阮兆祥、金剛、麥美恩、林秀怡和林正峰；

嘉賓陣容同樣鼎盛，有「獎門人身體健康隊」的苗僑偉（三哥）、葉子楣、黃翠如、洪天明，「中年好聲音2隊」的古淖文、譚輝智、顏米羔、陳俞霏、陳蒨葶，以及「福祿壽訓練學院隊」的王祖藍、李思捷、陳懿德、郭珮文等。

早年已坐擁「最強Body」銜頭的葉子楣，原來是首度參與《獎門人》，她甫出場即撒嬌說：「今晚好開心，我係第一次嚟獎門人，大家真係要手下留情！」首個遊戲「開心無敵啜桌球」，處女下海的葉子楣在啜桌球波時忘情伸脷，十分落力；同樣有「最強Body」之稱的郭珮文則貫徹天然呆本色，歎慢板慢動作啜桌球，樣子搞笑。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

在「開心無敵私人醒」中，負傷上陣的翠如BB搶盡焦點，其中一個題目「心儀對象做啲咩你會完全冇feel」，她挑戰道德底線接連說出：「推阿婆落山」、「推阿公落山」和「推阿妹落山」，看不過眼的祖藍說：「你究竟係跌親隻腳定跌親個腦呢？」笑爆全場。

今集的「開心無敵爭櫈仔」堪稱《獎門人》史上最強，40多人一同上陣爭櫈仔，首個回合大家已經玩到人疊人，非常墟冚。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

在「開心無敵開口中」戰況同樣激烈，一眾嘉賓玩到齊齊變cream人，天明仔仔亦有落場玩埋一份，更大膽向獎門人掟cream！

王祖藍感激獎門人

來到尾聲，獎門人與一眾獎老齊齊分享感受，獎門人說：「呢29年好多謝大家一直支持我哋。」感性的麥美恩爆喊說：「好多謝獎門人，《獎門人》係影響咗全球華人，我都係其中一個，好多謝可以畀我參與呢個節目。」

曾為獎老之一的祖藍亦感性地感激獎門人：「勾起咗好多回憶，記得當初我嚟到《獎門人》時，我係完全唔識講嘢，獎門人當時係特登度咗形體題畀我，畀我一步一步進入呢個節目，好多謝獎門人。」