電影導演助陣TVB！吳卓羲陳山聰全力加操做精壯PTU

提到與羅永昌導演合作，他表示：「我未演過PTU，當然電影《PTU》有睇過啦，套戲咁出名！其實（新劇）內容、劇本我哋都未知，女主角系邊個我哋都未知！」

身形甚Fit的他被問到是否要操得比現時更Fit？他笑說：「一定會死操難操，好在仲有時間畀我準備，我會以最Fit狀態同大家見面。羅永昌導演唔系拍電影根本合作唔到，咁難得鍾澍佳可以請佢返嚟拍，我已經好期待，真系要加倍努力。」

而吳卓羲近年主力拍電影，之前獲拍檔大讚動作戲出色。自從2014年《梟雄》後，他已多年未接拍無綫劇集，他受訪時說：「真系好多年冇拍TVB劇集，我只系知同山聰合作，其他嘢全部未知，操就一定要操啦！（山聰叫你睇住佢喎！）嘩！佢系我前輩，系都佢睇住我啦！」

唐詩詠何依婷同屬考慮人選

至於女主角方面，視後唐詩詠及龔嘉欣亦曾在劇集做過打女，尤其龔嘉欣於劇集《殺手》打得出色，獲一致好評，而唐詩詠之前在《鐵拳英雄》亦露過兩手。

嘉欣表示與吳卓羲未曾合作，對於要演女PTU，她說：「如果監製揀我，都好多謝佢嘅信任，相信呢個組合會有新鮮感。拍動作戲冇問題呀！之前拍《四十二章經》都有練番，如果真系再拍（動作戲）都會再操番，練好啲體能，我冇演過呢類型嘅角色，覺得好有挑戰。」

同是考慮人選的何依婷，早前曾入院做割腫瘤手術，她說：「我康復曬喇！不過冇收到公司通知，詳細嘅嘢唔清楚。」