方力申被爆曾追陳曉華 憂形象受損：會畀女友照肺

方力申及黃翠如主持的TVB節目《拍檔廚房》，今天（21日）請來梁競徽與陳煒任嘉賓錄影，黃翠如表示最近才知道親妹在小方弟弟畫廊任正式員工，她說：「妹妹好熱愛自由，第一次聽到佢返全職，真係好感動，感謝小方一家。」

方力申對於再成為周刊封面，被指曾秘密追求陳曉華，遭女友葉萱（Maple）嫌花心而大感不滿，他說：「以為單身，成日畀人講冇所謂，但家唔係，另一半係圈外人，不止會畀女友『照肺』，亦可能喺女友家人心中形象受損，我都幾緊張，仲要係2年前新聞攞番來講，不過可能都關我事，之前做宣傳講過多年新聞同緋聞，令到我個底好花，好難得到女友信任，畀人感覺係我自認個底好花，因而被乘虛而入，送個封面畀我，呢啲封面我開始都驚。」

他表示已立即向女友自爆，女友也不信報道，反而嫌自己張相好醜，他曾心想可能從沒有和女友同框相，又沒有講幾時結婚，令人覺得他們感情有問題，一度萌生公開合照念頭，但2人向來低調，從不放閃而放棄。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

梁競徽早前在《獎門人感謝祭終極篇》玩遊戲時，被指玩得投入而觸及郭珮文胸部，他指因此事要找經理人心理輔導，他說：「我覺得都幾犀利，正常速度睇，根本睇唔到啲咩，我同對方都feel唔到啲咩，問我係咪掂到呢？

應該係掂到，但並唔係如標題所指，當然傳出呢件事，自己都緊張，其實係好嚴重指控，非禮係刑事罪名，子女同學父母只睇標題，如相信會令到我困擾，郭珮文好好，佢第一時間主動解釋，好感激佢。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

方力申同陳曉華舊緋聞再被翻炒感不滿：好驚女友屋企人誤會

方力申（小方）和黃翠如今日（21/5）現身將軍澳電視城出席TVB新節目《拍檔廚房》宣傳活動。提到兩年前同陳曉華的緋聞再被傳媒翻炒。

小方接受《香港01》訪問無奈表示：「其實以前講我就冇所謂，但今次就唔同，因為我而家有拍拖，而且呢單嘢仲做埋封面，我女友雖然係圈外，就算佢明都好，但佢屋企未必會明，變咗好多嘢都要解釋 ，好驚佢屋企人誤會。兩年前寫話我追陳曉華，都只不過係攞我同嘅時候合照，從來都冇影到過我同佢嘅去街相。今次仲做埋封面，真係好無奈。」

小方續說：「啲朋友send咗個封面畀我睇，我仲以為係舊嘢，點知原來係最新嘅封面，於是我就即刻send畀我女朋友睇報定案先啦，佢都好好，好信我。唔知係咪呢年幾，我同女友太過低調，從來都冇被人影到兩個人一齊嘅相，唔知係咪呢個原因，令有啲媒體懷疑我哋兩個有問題，變咗佢哋就寫嚇我嘅新聞。」

翠如接著安慰說：「其實會唔會幫你呢個節目宣傳緊咋，唔使咁擔心啦，佢屋企人唔會誤會嘅。」