宋宛穎卸任後先拍到劇！蔣家旻無信心登頂做視後

宋宛穎說：「都希望之後多啲機會主持，因為都收到好好嘅評價，希望之後有機會，不過劇集方面就要出年卸任後先可以拍劇。」她亦表示計劃上演技班增值自己。

升呢角逐視後！蔣家旻冇信心登頂：陪跑已經好開心

蔣家旻今日（25日）在將軍澳電視城出席《萬千星輝賀台慶》祝捷會暨《萬千星輝頒獎典禮2021》公布提名名單。

去年奪得「飛躍進步女藝員」的她今年分別角逐「最佳女主角」、「最受歡迎電視女角色」及「最佳女配角」等獎項。

講到首次競逐「視後」，她表示：「冇信心，可以提名陪跑已經好開心。自己會集中火力喺『最受歡迎電視女角色』同『女配』，總之有獎攞都開心，好鍾意《換命真相》角色，拍嗰陣冇諗過咁大迴響，始終同《反黑路人甲》角色好唔同，估唔到咁多人談論。不過，自會比較期待出年播嘅《雙生陌生人》。」

視帝方面她希望譚俊彥攞獎：「因為佢做過我哥哥，希望可以同佢一齊攞獎。」

視後則看好李佳芯（Ali）及黃智雯（Mandy），她說：「Ali曾經攞過視後，所以我揀Mandy，佢都系實力派，Mandy都系時候攞呢個獎，呢個獎都要配合天時、地利、人和。」