快將迎接39歲生日！TVB當紅花旦自知容易惹緋聞

快將迎接39歲生日的她，表示當晚也要拍劇：「有諗過度期，不過算啦度咗期到時冇人陪我食飯仲傷心，哈哈！寧願快啲拍曬好過啦。（蟲草大王有冇約你？）冇呀，其實嗰次系傾個慈善活動，嚟緊大家會知㗎喇，私底下冇乜見面。」

李佳芯被指酒店密會「蟲草大王」疑似有新戀情：覺得我好無辜！

李佳芯（Ali)今日（25/11）現身九龍塘出席又一城聖誕活動。提到早前被人影到與「蟲草大王」陳恩德（Mark）在酒店密會兩小時，疑似發展新戀情。

Ali百般無奈說：「其實嗰日我哋喺好正常嘅場合餐廳度，係傾緊一個下年嘅慈善計劃，但估唔到最後因為出咗張相，而有咁嘅題。我係感到無奈。而我好相信認識我嘅朋友應該知道係咩一回事。（會唔會影響咗對方？）哈哈！好似影響我多啲喎！

不過我係明白一單新聞，佢哋係想延續落去，變得有追看性，遊戲係咁我明嘅。好可惜係本身有意義嘅事點解會成咁樣啫。而我同佢只係純粹工作而接觸聯絡，私底下我係冇同佢接觸，竟然都可以寫到咁，所以我係覺得好無辜嘅。」