TVB爆離巢潮？傳單文柔完約有新開始自爆有計劃︰我安排緊啲嘢

無線藝人余德丞和「御用醫生」之稱的郭田葰同樣在5月1日的凌晨公開自己離巢的消息，TVB一日內流失兩位藝人。

而有傳陳展鵬的太太單文柔（Phoebe）亦完約，結束與TVB的合作。另外，Phoebe因為在周日（1/5）凌晨於IG出po標記了「新開始」三個字，更令傳言「似層層」。

HK01記者向Phoebe查詢，她未有承認事件，但就表示有收到不少人的查問，她透露自己的確有些新計劃，「我差唔多呢3年生咗Quinta之後，我自己都比較少做幕前嘅嘢，我都有返公司，有時幫手做嘉賓嘅形式或者有啲節目我都會去客串嚇，的確嚟緊我自己都會有啲新嘅安排，同埋有啲planning。

文章來源：TVB資訊台 W博：@香港TVB資訊台

因為我覺得始終都兩、三年，小朋友開始長大，上緊軌道，有啲嘢我都想安排嚇，之前真係最主要以家庭同埋小朋友為主，咁我自己係有啲諗法同埋計劃嘅，但係安排緊，如果到時係可以同大家share嘅時候，我就再同你哋講啊！」

被問到與TVB的合約安排時，Phoebe未有明確回答，只強調有自己的安排，「我都安排緊啲嘢，不過就真係唔方便講住。」

她透露有好多人都問她關於IG po「新開始」一句的事，她說︰「個post其實唔關任何嘢事，其實係咁啱有少少product嘅內容係關於一個新開始，同埋嚟緊母親節，同埋我見到咁啱有新聞關於其他藝人離開TVB，所以就令人哋聯想咗呢件事。」

她強調︰「我自己真係安排緊一啲嘢，所以等我安排咗先啦！安排咗可以大家share先講，因為我都唔想有任何嘅誤會。」

有關之後會否在TVB有工作，或者將來的路向，Phoebe強調因為小朋友開始長大，自己也要重新計劃。

他說：「因為小朋友都真係開始大個，無論我再生多個又好，或者係我喺工作方面都好，我自己都想去沉澱嚇。同埋而家我希望可以多方面嘅發展，可以嘗試到唔同嘅嘢，因為始終呢幾年我自己又冇拍劇，或者冇其他好多嘅幕前工作，都係一啲online嘅工作比較多，所以我覺得係咪有啲嘢適合自己呢！」

至於之後的發展路向，Phoebe就坦言其實這個年代幕前與網上的工作很多時也分不開，如果是拍片分享的話，其實也難分幕前與幕後，「我覺得係試囉，真係可能by project咁樣去做。」

她又笑言︰「我而家都真係安排緊，我亦都冇諗過咁快有人問我，因為真係個post我唔知點解大家會聯想到嗰樣嘢。」