何依婷望拍《新聞女王2》 何廣沛失落：原本未出街劇本激情好多
何依婷和何廣沛（29日）現身電視城出席《金式森林》造型暨拜神，並在台上分享二人會在新劇當中飾演夫妻。
何依婷和何廣沛接受《香港01》訪問表示：「今次我哋嘅角色呢主要係老竇嘅身家分曬比外人唔俾我哋，所以我哋作為仔女就團結埋一齊。」何依婷透露新劇當中與何廣沛已經是老夫老妻比較少激情戲。
何依婷被問到泰國之旅，她指是與老公去度假，對於有否有生B計劃，她說：「現在嚟講比較繁忙，生BB再算。」
何廣沛透露年尾還有《新聞女王2》開拍，至於兩位是否有份繼續參演，他們異口同聲表示要等公司安排。何依婷表示希望再與佘詩曼合作，並透露：「曉薇想對Man姐（佘詩曼)忠心。」
何廣沛表示自己反而對佘詩曼最忠心，他說：「由頭到尾對Man姐最好嗰個係我唔係你，你（何依婷）係有背叛佢。」何依婷搞笑反擊：「你淨係負責床嘅部份，我可以做其他嘢。」
講到《新聞女王2》何廣沛是否希望在劇中與佘詩曼結婚，他說：「佢係女王，我高攀唔起，喺身邊幫輕下佢負擔已經好榮幸。」
至於去年底曾經透露與佘詩曼有一段激情戲，已經練好身體，不過後來導演臨時取消有關演出這一幕的戲份，他說：「其實個身材一直都keep住，希望到年尾嘅時候再重現，但唔知道劇本有冇，如果有的話我都準備咗。」
何依婷則回應：「有cut咗咩？我見到出街片段有啊！」何廣沛澄清：「以我印象原本未出街劇本嘅激情程度係多啲，出街嘅就老少咸宜啲。」他們笑指一切都要等導演安排。
文章來源：TVB資訊台 W博：@香港TVB資訊台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
羅子溢新劇演得太奸出街俾人鬧 被問續集：可能我喺套劇已經死咗
羅子溢（29日）現身電視城出席《金式森林》造型暨拜神，並在台上分享新角色主要是爭奪家產為主題。羅子溢接受《香港01》訪問表示：「今次我唔係局中人，係局外人，今次爭家產係本身我幫佢哋管理家產，但有機會嘅時候就有個貪念，係咪可以據為己有？」
講到新劇角色會否有感情線，他笑言：「就係銀紙，佢成日嘅對白就係咁，因為佢經歷咗情傷，原來個角色當你冇地位冇錢嘅時候，你連最鍾意嘅女人都會俾人搶走。」
被問到有否看到老婆楊茜堯日前加入林峯與佘詩曼宣傳劇集《家族榮耀之繼承者》直播，間接看到他在劇集當中與另外一位女演員激吻的場面，一度嬲爆表示下令跪玻璃一事。
未完待续,请点击「下一页」继续阅读
{nextpage}他表示：「跪玻璃，我有睇到。（話會俾仔女睇段片段）佢講嘅啫，佢都唔會俾個仔女睇。」講到早前透露佘詩曼有可能與老婆楊茜堯拍攝續集，他表示：「咁多年好多都觀眾都想睇佢哋再一齊合作，呢個都係幫大家講嘅一個願望。」
至於兩夫妻同時要拍劇，是否會影響照顧小朋友，他坦言：「呢個都係一個問題，到時候可能要拜託啲老人家幫幫手，要安排佢哋衣食住行係最麻煩，未必可能到時冇我，可能我喺套劇已經死咗。」
他透露在《家族榮耀之繼承者》演出奸角出街會俾人鬧，並表示：「我唔夠膽打開啲觀眾嘅留言，因為驚佘詩曼嘅Fans，我喺套戲又玩弄感情，變咗渣男，都有少少滿足。」