吳若希大女期待看媽咪電視唱歌！李幸倪不知AGA被傳過檔

傳AGA過檔華納同門死敵李幸倪：我唔知道！

歌手李幸倪（Gin Lee）、吳若希、吳浩康及陳慧敏等，今日（3日）現身電視城錄影《勁歌金曲》。Gin Lee透露首次現唱演唱新歌《剛好》：「呢首歌可謂一波三折。有粉絲同我講想搵我一隻歌做婚禮主題曲，但因為我以往唱嘅都好慘情，佢完全揀唔到，加上呢兩年大家抗疫，我想帶只正能量同甜蜜情歌畀大家。本來想情人節面世嘅，點知疫情嚴峻，搞到成4月先拍到MV，依家先嚟宣傳，希望大家鍾意啦。」

談到同屬環球唱片的「宿敵」江海迦(AGA）被傳約滿過檔華納，Gin Lee表示：「唔知道。（同佢好少聯絡？）呢排同個個都少聯絡，不過嚟緊我會見到佢，到時大家傾嚇。（成日傳你哋不和，少咗個勁敵？）邊有咁嘅事？佢無論作出乜決定，都衷心祝福佢。」

Gin Lee不諱言與環球合作8年，早前已續約留低，且賣口乖表示：「點都會繼續同呢間公司合作。」