娛樂

張松枝常被15歲囝囝取笑！唔介意《九龍城寨》戲份被刪參與已開心

2024-06-01 00:54 昀澤 6844

另外，接《查》戲更為幫後輩，「幫到幾多得幾多，冇新人我之後都冇得做，淨係一班老鬼，觀眾會睇到悶！」

囝囝冇興趣做演員

松枝一家都很鍾意《九龍城寨》，連平日睇開超級英雄片的囝囝，都派任務給他，「佢叫我攞海報畀曬演員簽名，交咗功課啦！」松枝笑言讀中三的囝囝有舖癮，就是喜歡自製試卷畀老竇做，「全部科佢做定曬喺電腦，見我得閒就畀我做，我唔識佢會同我上堂，用白板同我講解，佢要話畀我知，讀書幾慘、幾辛苦。」

他透露囝囝外形不俗，但完全冇興趣做幕前，「可能我同太太都幾高，所以佢唔太鍾意運動，都高過我有180cm，個樣都似我，佢唔睇電視，電影都係我捉佢去睇，想讀經濟。」

他跟囝囝似朋友相處，所以經常被寸，「佢乜都同我講，仲會成日笑我『套套戲都咁，出一出咋！又做茄喱啡！』。」

文章來源：網易娛樂

熱門話題

熱點話題

目前最受關注的熱門內容，帶你快速掌握站內焦點。