娛樂
TVB視後超靚出席活動！自爆有戲癮有好劇本或考慮
她指女兒的志願有時會想做畫家，有時又會想做Fashion design或獸醫，有很多不同種類，一時一樣，所以現在仍是摸索當中，故要先嘗試啟發她們思維，讓她們感受自己喜歡什麽：「讀咩書都好，最緊要教佢哋學識點樣去做人，學識做人重要過所有書本上嘅事，唔係話讀書唔緊要，但識得做人係行走社會最好嘅方法。」
黎姿笑言3個分別各14歲及11歲的女兒開始青春期，所以也很貪靚，會請教她如何護膚，所以母女間也有很多話題，也經常跟她們一起敷面膜，問到有沒有請教她感情問題？黎姿聽後即說：「仲未，唔好嚇我！」
至於會否將其美容王國傳授給女兒？她說：「冇諗過，其實比一個自由佢哋，睇佢哋將來鍾意乜嘢，由佢哋自己去選擇，我會尊重佢哋，雖然係自己骨肉，但長大後佢哋都係一個個體，佢哋有自己嘅自由同想法，始終將來佢哋都會離開我或者我都會離開佢哋。」
又謂女兒現時已經長大，有想法也開始獨立，所以也需要有心理準備她們已不是以前的BB。至於將來她們惹去外國讀書，老公會否比她更不捨得？她說：「我唔敢諗太遠，我驚我真係好唔捨得，但我覺得佢哋最緊要健康同開心。」
提到早前在健身室中偶遇佘詩曼，她指見到阿佘很開心，雖然她事前知道跟對方是同一個教練，但因她每次返港都是來去匆匆，所以很驚喜，又謂兩人平日也有聯絡，也會約食飯，又指會儲起對方的劇一次過煲。
問她是否也有戲癮？她坦言有：「會懷念拍戲嘅時候，我覺得都鍾意拍戲嘅，但因為拍一套戲需時太耐，其實陸陸續續有人搵我，時間嘅問題都真係推咗，睇嚇緣份，將來如果有好劇本同時間夾啱先再講。」
她又指會掛住舊拍檔鄭伊健及林保怡，他們也是好朋友，但也直認男士比較少來往，相反如蔡少芬、佘詩曼、鄧萃雯會聯絡得多，也很懷念跟她們一起合作的日子。
文章來源：網易娛樂
