劉青雲吳鎮宇相隔19年再合作

直認票房難預測 兒子吳費曼崇拜青雲主動求合照

由劉青雲與吳鎮宇主演電影《談判專家》昨晚（6日）舉行首映禮，一眾演員苗橋偉、周文健、洪天明等出席外，吳鎮宇兒子吳費曼（Feynman）、伍允龍等均現身支持。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

吳費曼在現場主動跟劉青雲合照，身為爸爸的吳鎮宇亦識做即行開，不過劉青雲也要求三人合照。

劉青雲與吳鎮宇相隔19年今次再度合作，談到對該片票房可有信心，劉青雲笑言已盡力，但認為票房好難預測。

談到近年時興舉行謝票，劉青雲和鎮宇均表示要視乎時間安排，但吳鎮宇指該片的迴響不錯，也希望票房會好。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到有不少演員為電影票房達標要找數，劉青雲笑說：「依家興呢啲嘢咩！再諗下先啦！（近年港產片票房成績好，令信心增加？）希望保持返好水平，大家要用心製作電影，有時票房嘢好難講，當然票房好返啲，大家會開心啲。」

談到跟青雲再次合作會否很開心，鎮宇搞笑指收了片酬拍得不開心都得，有開心亦有不開心，最緊要拍得順利，不過拍得不辛苦，反而青雲較多動作。

談到戲中演談判專家，問到談判技巧會否變叻？吳鎮宇笑指劉青雲買餸講價變平一些，不過青雲則笑謂已經很平。

問到跟囝囝談判技巧會否變好，鎮宇笑謂：「佢都費事同你傾計，佢今日嚟主要嚟見青雲，好迷青雲同黃子華，好崇拜佢哋，試過佢哋拎唔到獎，仲傷心過我攞唔到獎！發曬脾氣，無乜理我。」劉青雲聞言即笑指吳鎮宇相約他去吃飯原來有目的。

對於《九龍城寨之圍城》票房撼贏《明日戰記》，劉青雲笑指兩部戲也是古天樂，當然希望一部好過一部，對方付出好多努力。

問到可會自薦拍前傳？青雲說：「咁多嘢打，留返佢哋。」在旁鎮宇搭嘴說：「有冇淨係講嘢角色。」

吳鎮宇近年頻頻北上拍電影及綜藝節目，問到是否賺好多？他說：「夠食啦！」青雲即笑吳鎮宇好大食，但吳鎮宇解釋囝囝好大食。