娛樂
車婉婉死過翻生自揭瘡疤！含淚感謝大恩人曾志偉從谷底拯救
做藝人真係咪做生意
講到人生中最難受的事，婉婉坦言是守唔住亡母生前經營的酒樓，於2019年的母親節倒閉，她哭著說：「呢間嘢係媽媽留畀我，佢走咗我要勉強接手，但飲食生意真係好難做，唔係一個普通人識得做，真係冇曬辦法，嗰幾年嘅利潤點都追唔到要交幾百萬租金，我喺疫情前忍痛結業算係執身彩(蝕咗幾多？)唔好講！唔識計！唔想計…仲因為太單純信錯人搞到一身蟻，所有錢冇曬，從呢件事體會到，藝人係唔應該做生意。」
當時婉婉一無所有，兒子BBQ又出世，只能開源節流養家及主動搲撈：「我覺得自己講嘢OK，好想畀人睇到我做綜藝主持係得嘅，試過『打大佬』敲綜藝組高層嘅門話好想做，但都無功而回。」
自己冇嘢做，老公於疫情期間又教唔到游水。
「我好抑鬱，要打多份工做理財顧問增加收入，做人真係好睏難，所以見到參賽者喺舞台上分享人生經歷，我會用心去聽及用感性角度去了解，特別係屋企人離世。感恩喺變態路程有經理人陪伴，喺佢身上學到好多嘢。」語畢，婉婉又再落淚。
另外，對於向展鵬跟她道歉，婉婉笑說：「又唔使道歉，自己真係寸過佢會心虛，我點會窒我啲『屋企人』啫？唔緊要，下次一齊飲過。」
文章來源：網易娛樂
