甘草演員廖駿雄設靈！TVB男星兒子廖家爵哭別亡父

湯鎮業黃日華等明星送好友最後一程

64歲前TVB甘草演員廖駿雄2021年確診胃癌第四期，經化療後癌指數一度回復正常，但上月因病情惡化，最終因肺炎離世。

廖駿雄家屬在大圍寶福紀念館為廖駿雄設靈，廖駿雄的兒子廖家爵在靈堂表現傷心，哭別亡父。廖駿雄入行數十年廣結善緣，獲眾多圈中好友送花牌致祭，現身一片花海。

「五虎」的湯鎮業和黃日華、魯振順、蕭正楠、黃翠如、劉江亦現身送別廖駿雄。

湯鎮業和魯振順受訪時談到與廖駿雄是TVB第八屆藝訓班同學，湯鎮業指廖駿雄外表兇惡，但其實好有義氣，憶年輕時曾與對方合租同住，一齊出去玩都是對方簽卡覺得他好有錢。

魯振順難忘廖駿雄有義氣，在他最困難時提供住處，魯振順更一度感觸落淚。

廖駿雄兒子：爸爸走得突然

廖駿雄兒子廖家爵受訪時透露爸爸因肺炎離世，他坦言爸爸走得突然，離世時有家人在旁陪伴。他也表示有聽聞爸爸在朋友心中是好有義氣，覺得爸爸喜歡幫人。

臨近父親節，廖家爵不禁苦笑坦言感到有所缺少，爸爸離開了，他更感到自己有責任照顧媽媽。廖家爵也在社交媒體看了爸爸參演電影《九龍城寨之圍城》特意剪輯爸爸演出片段的彩蛋。

廖駿雄設靈｜廖家爵含淚透露爸爸病況　遺憾少陪伴：好多嘢冇做過

前TVB甘草演員廖駿雄上月18日於東華醫院因病逝世，終年64歲。喪禮今日（14日）於大圍寶福紀念館設靈，讓親友作最後道別。廖駿雄兒子廖家爵在接受訪問時表示：「都好突然走，冇諗住問佢有咩遺願。」

談及父親突然離世的原因，他說：「始終都唔會覺得佢咁快離開我哋，同埋我覺得係唔想去面對呢件事，佢入去嘅原因係因為膽管嘅問題，突然之間有一排瞓醒見到佢成個人好黃，咁媽咪同佢入咗醫院，做個膽管手術諗住佢排返啲膽液出嚟就好啦！」

他續指父親生前很容易發燒，並表示：「本身做咗個手術就會向外引流，佢傷口受少少感染就好容易發燒同埋體溫好難控制。」

被問到最後看到父親的身體狀況，他說：「其實佢走嘅時候嗰幾日，大家屋企人接近24小時都輪流陪佢，最尾嗰一刻，佢知我哋唔想睇住佢走，我哋逐個逐個就講一句唔理你啦，由得你瞓覺咁走，家姐走咗出去佢就繼續瞓覺，我唔講佢又真係唔走喎！留咗一段時間，後段時間我同佢講埋good night，佢就直線下滑。」

提到會否遺憾沒法與父親過父親節，他直言：「一定有嘅，後悔有好多嘢都冇做過。（入行少咗時間陪爸爸？）都係㗎！始終我喺公司冇刻意講佢係我爸爸，我想儘自己嘅能力去調返，人哋識我先識得佢。」

講到爸爸生前是否對他有期望，他表示：「一定有嘅，叻過爺爺，因為爺爺做官做太平紳士嘅，想我比佢更加好。」

講到父親廖駿雄於電影《九龍城寨之圍城》片尾的4分鐘彩蛋出現，他說：「我都係早排先知，我自己都有睇，聽聞係有剪過嗰一part，但原來後面有播返出嚟，未入去睇返，但係我有睇到其他社交媒體有分享出嚟。」