歐倩怡談前夫惹負評！炫耀學歷被狠批 反贊郭晉安

歐倩怡談前夫惹負評！

炫耀學歷被狠批 歐倩怡回應突反讚郭晉安：佢係好好

44歲歐倩怡（Cindy）上月突然宣布與59歲郭晉安結束18年的婚姻。回復單身的歐倩怡日前終開腔首談離婚的原因，原來是因為2019年的一場大病，令她改變了人生觀，決定做自己想做的事。

不過歐倩怡分享患病經過，提到「隔籬嗰個」照顧她的方式，在網上造成不少迴響，有人狠批郭晉安見死不救，亦有人覺得歐倩怡表現「忘本」，對於網民的反應，歐倩怡亦有回覆。

歐倩怡（Cindy）日前接受蝦頭和連詩雅主持的YouTube節目《絲打圍爐》的訪問，在節目中因為40歲的一個經歷，令她明白到生命很脆弱，因此應及時行樂，做自己想做的事。

歐倩怡稱在2019年12月曾患重感冒，反覆發燒睇三次醫生仍未痊癒，有一晚在睡夢中，凌晨時分突然感到由左手中指像觸電般流通全身，而且無法呼吸，當時歐倩怡向郭晉安求助：「我話我唞唔到氣，幾乎講唔到嘢，跟住佢話『咪玩啦，瞓覺』。」

其後郭晉安見到情況「唔對路」，歐倩怡說：「開始起身Google睇嚇係咪call白車，跟住搵到個片糖沖熱水畀我飲。佢已經驚我嘔，喺床上拎住個痰罐，（片糖水）我飲咗少少，其實嗰一刻我已經去到失禁，我覺得自己應該唔得㗎喇。」

歐倩怡訪問節目播出竟關閉留言功能

訪問播出後，因節目罕有地關閉留言功能，於是有網民涌到歐倩怡的個人社交平台留言，有人覺得歐倩怡：「忘本。。。學費何來？」回應：「係呀，我有好好多謝佢。感情事係咁，無得計嘅。大家依然係屋企人。多謝你支持啊。」

不過亦有人撐歐倩怡：「佢都有多謝佢，幾時有講過只係靠自己努力？一陣佢講郭生又畀人話消費郭先生。點都係畀人鬧，唔通又要郭生岀不斷喺公開場合多謝歐倩怡幫佢生仔照顧屋企，啲嘢又冇人講過嘅，淨係不斷放大郭生啲錢，佢名下嘅物業都冇一個係歐倩怡個名啦，股票又轉走曬，一個女人而家靠自己出嚟打工，畀心機讀書又要俾你哋Ｘ既！」

網民對歐倩怡訪問內容意見不一

後來又有人說：「睇完之後， 唔明點解你半夜呼吸唔到，身邊嗰個唔報警，仲有時間上 Google！Anyway，恭喜你展開新生活，努力。」、「你暈咗後，當時嘅另一半有無扶你起身，點解會仲係個痰灌度until第二朝？」歐倩怡亦有回覆：「佢當時係驚，唔知發生咩事。」

未完待續,請點擊「下一頁」繼續閱讀