林愷鈴好多諗頭想同古仔憶蓮合唱 為追歌手夢休學唔做建築師

龔慈恩24歲女兒林愷鈴（Ashley）成為古天樂旗下cool music歌手後，推出自己作曲的處女單曲《現在》，提醒自己把握現在，好好感受生命。

港大建築系學士畢業的Ashley，要完成埋3年碩士課程才考到建築師牌，不過，為趁年輕追夢，她決定停學專心做幕前。

採訪：方騫平 攝影：羅安強 髮型：Veron Chan @veronchan_impecc 化妝：Owen Ko @Owenko.station @zoeychinbeauty_official 服裝：SANDRO @SandroParis

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

龔慈恩入行前原來是一位鋼琴老師，Ashley受媽咪影響，由細到大都喜歡音樂，覺得唱歌能抒發感情，好自由自在，所以收埋唔少創作。讀完大學多咗自由時間，Ashley即爭取進軍歌壇。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

追夢緊要過賺錢

Ashley笑言最希望可以同古老闆(古天樂)合唱，甚至作歌畀佢唱，她賣口乖說：「我有聽佢啲歌，好似《今期流行》咁，當年好hit，個個都唱。」

不過，記者要求她唱兩句時，Ashley就耍手擰頭話怕自己唱得太差，唔敢開腔。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

雖然暫未有機會跟古老闆合唱，但就可以和欣賞的歌手吳林峰合唱創作歌《攤手黨》。

她自爆有一個再遠啲嘅心愿：「好想同樂壇天后林憶蓮合作，從佢唱嘅廣東歌感受到真實嘅感情，而唔係方程式；另外我都好欣賞岑寧兒嘅歌。」

提到當紅歌手才賺到錢，Ashley坦言暫時仲年輕，會以夢想、價值行先：「做歌手唔係為錢，有機會實踐夢想點都係幸福嘅，所以未來幾年唔會讀碩士，集中火力唱歌及演戲，媽咪都支持我咁做。」

Ashley未有進修碩士時間表，尤其喺娛樂圈好難有完美計劃，但強調一定唔會放棄攞建築師牌。

記者笑問她會否嫁咗都未讀完碩士？她笑說：「擁抱所有可能性，用隨遇而安心態最好，機遇嚟到就會到。」