吳業坤毫無預警宣布婚訊：現在的我好幸福
歌手吳業坤近期甚少公開露面，更不時在社交平台上載身處日本的相片。他突然在社交平台上載與女友的合照並宣布婚訊，表示：「想簡單地同大家講一聲，小弟結婚了。感覺好微妙，一直都覺得自己仲系小朋友咁。唔知道幾時先叫大人，可能調番轉要畀佢照顧番。但往後嘅日子，我會努力去守護。現在的我好幸福，謝謝大家一直以來嘅愛護及包容。接下來都請繼續多多指教。」
不過相片中未見女友樣貌。貼文發出後不少網友感到愕然，但仍送上無限的祝福。朱晨麗、胡鴻鈞亦留言恭喜！
對於榮升人夫，吳業坤透過經理人公司回覆，表示：「多謝各位記者朋友的祝福，收到曬！小男孩今日長大成為幸福人夫，往後會用男人方式向前進發，努力工作照顧好家庭，也衷心希望記者朋友能給予太太空間，讓她低調做我背後強大後盾的吳太。」
TVB高層樂易玲亦表示：「第一次（2014年）幫吳業坤搵星夢唱片，遭星夢娛樂拒絕；第一次成為歌手，簽約星娛樂，到記招現場力撐佢；第一次同佢車上揀Demo、第一次幫手Handmade 派台哥「原來她不夠愛我」Cover，第一次佢贏得叱吒樂壇我最喜愛的男歌手獎，出席頒獎禮前同佢揀戰衣；第一次紅館個唱，系某日凌晨1點半，喺九龍城路邊打冷同佢講開紅館個唱，佢仲好疑惑咁問我得唔得㗎？我仲拍心口答佢：咩唔得？叫佢只需要唱好當晚台上的歌，其他一切我搞掂，就爆俾佢睇！
同佢經歷過咁多個第一次後，睇住佢走進人生迷惘期，佢想要學習獨自面對，然後，佢第一次用18日完成「東海道53次」，由京都步行到東京，全程492公里，呢一份決心同毅力，令我終於第一次感覺到，佢大個仔了！今日，大個仔咗嘅佢走進佢人生另一新階段， 當然要為佢開香檳慶祝！恭喜恭喜！終於可以大聲講佢結婚喇，百年好合永結同心，成熟是照顧身邊最愛，行禮時有冇感動到喊眼鏡再次出霧。」
3年前邂逅片段曝光吳業坤Kawaii日本演員老婆大起底
歌手吳業坤忽然宣布閃婚，消息令人驚喜，雖然大家都好想知佢婚後演藝事業點發展，不過粉絲更想知嘅系老婆真正身份系邊個！吳業坤神神秘秘凈系甫出老婆背面照，不過都依然被起底。
據知佢太太疑似系27歲日本演員濱口愛子（Aiko Hamaguchi），外形清純，5月1日更喺社交網宣布結婚，但就用咗花花Emoji將老公遮樣，有人仔細對比男方耳骨上嘅墨同女方指甲，表示相中一對新人無論身形或衣著打扮都同吳業坤夫婦極為相似，加上結婚時間同吳業坤宣布嘅相當脗合！
其實早喺2019年，吳業坤同愛子已經邂逅，一行四人大合照時，二人膊頭貼膊頭企，唱K片段亦同時曝光。
見吳業坤激情獻唱日文歌，大曬好歌喉，而愛子就坐埋一邊拍手支持，個樣已經對吳業坤心心眼，同行友人亦留言：「與這些成員唱卡拉OK，真的很奢侈。是我一生中最好聽最窩心的卡拉OK。感激這個緣分。」
另外，愛子曾喺社交網透露生活基地將移至海外：「跟一直經常令我笑，很開心的伴侶一起，從今開始在身邊互相支持，想和他一直生活。最後想跟一直支持我的人說：每一位溫暖的心令我很開心，令我每日都可以努力工作。一直關照我的大家，今次想跟大家分享我結了婚的消息。因為之後我的生活據點會移到海外住的關係，4月尾我離開了經紀公司。」
未完待续,请点击「下一页」继续阅读
{nextpage}有日本媒體最近亦曾報道過愛子嫁畀「香港歌手」嘅消息，而愛子嘅社交網被發現喺吳業坤公布婚訊後2小時，就由公開轉為私人帳號，保密工夫做到足。
愛子本身身高1米64，出生自日本兵庫縣，曾任職記者同演員。至於吳業坤婚前已留日多月，預計下星期會返香港，更有傳二人前年已經喺屯門置業築愛巢。