憑「王九」彈起鍾嘉欣高調贊好男人！伍允龍不敢直認筍盤
伍允龍唔敢直認筍盤：我唔係衰人嚟
憑「王九」彈起舊愛鍾嘉欣高調讚好男人
《九龍城寨之圍城》成為香港史上第2部衝破1億票房電影，更有望登頂成為最賣座電影。戲中演大反派「王九」的伍允龍（Philip） ，亦人氣急升，特別是謝票時被「不講武德」觀眾偷襲後，高EQ回應獲勁讚有修養。原來Philip早年宣傳電影《惡戰》已遇過類似情況，在美國教功夫亦試過有人上門比試，甚至搞到要報警解決。
46歲仍單身的Philip，談到舊愛鍾嘉欣公開力讚筍盤，他卻不敢直認只笑謂：「我唔係衰人嚟！」採訪：杜杜 攝影：羅安強 髮型:Calvin Yuk 化妝:Cosette Lee 服裝:I.T
視鄭保瑞導演為偶像的Philip，未知演「王九」有得見已開心，「佢以前拍《狗咬狗》嗰啲都睇曬，接到電話鄭保瑞想搵我傾偈已興奮，唔理佢叫我拍咩做咩，都會𦧲飯應，開咗3次會佢先至畀呢個角色我。」他最記得瑞導決定讓他演「王九」後的一番話，「佢同我講『你拍咗咁多年戲，伍允龍係邊個啲人都知，今次試嚇唔同嘅嘢，做咗個造型後，觀眾未必認得你』，我都好鍾意導演咁樣去處理角色。」
「王九」的招牌笑聲，瑞導早在他試造型時已構思，「佢叫我笑嚇，試過要我再多啲，就搵到呢個啱嘅笑嘞！」不過他首日開工，仍未捉穩「王九」演法，直到第2日拍跟洪金寶去殺人戲，「嗰場戲cut咗，講我好興奮去揀啲武器去殺人，個笑容加強咗，好似去玩咁，見啲工作人員開始模仿個笑容同啲小動作，導演又好似幾鍾意，就知呢個方向係啱，真真正正搵到『王九』呢個角色。」
上門砌磋要報警解決
提到早前謝票時被「不講武德」觀眾偷襲，Philip坦承以往去外地宣傳時，都遇過類似場面，「我同安志傑演嘅電影《惡戰》，外地謝票有個情況好似，有個觀眾舉手想同我砌磋，司儀畀佢上台，有少少交流後，佢突然踢咗我一腳，跟住我話『好痛呀！承讓承讓！』，咁就解決咗個問題囉！」
未完待續,請點擊「下一頁」繼續閱讀
