陳曉華講媽咪即爆哭！林凱恩同媽咪一齊戴四方帽

陳曉華講媽咪即爆喊：我哋會嗌交同好少講嘢

前港姐冠軍陳曉華（Hera）、黃嘉雯、楊卓娜與老公及女兒等，現身TVB節目《日日媽媽好》分享與母親的相處點滴，Hera透露與媽咪關係較為特別，因二人均為「愛在心裡口難開」類型，笑指受到其他嘉賓開心經歷感染。

她甫開口講媽咪即流下大滴眼淚：「可能你哋同媽咪系好好朋友，咁我同媽咪好少講嘢，但我哋好關心對方，好似韓劇咁，有時嗌交會嗌得好勁，但又要喊曬攬番住和好。我哋唔系攬頭攬頸嗰啲、又或者會傾好多偈嗰啲，我哋系唔出聲但會好關心對方嘅關係，加上入行之後，媽咪好擔心同我講得多會變咗壓力，所以變得更加少同我講嘢。」

雖然如此，但Hera指最愛與媽咪一起睡午覺：「因為媽咪有啲肉地、好好攬，所以我好鍾意攬住佢，我哋Keep住都系靜啲。」

有3名女兒的楊卓娜，其中兩名是與現任丈夫楊志翹的繼女兒，卓娜一直對她們視如己出，坦言與女兒們是好朋友關係：「我同小朋友除咗系好朋友，我會畀佢哋知我系佢哋媽媽，希望佢哋明白喺家庭入面媽媽嘅角色。我唔需要佢哋以後有咩回報，但想佢哋識得感恩，因為佢哋以後會有小朋友，佢哋要識得將呢份愛同孝義承傳落去。」

她更笑指做了媽咪後，變得更重視母親節，由於沒有與母親同住，故偶然會很想念母親，還試過半夜流下思念的淚。

她邊哽咽忍淚邊說：「有時我同阿妹通電話，因為佢同媽咪一齊住，我就好耐冇同我媽媽一齊住，呢啲時候就會好掛住媽媽，半夜三更會因為咁喊。」

手牽手畢業！林凱恩同媽咪一齊戴四方帽

曾參選港姐的藝人林凱恩，近年憑TVB處境劇《愛．回家之開心速遞》成功入屋，近日亮相無綫節目，提到劇中飾演乖乖女，原來現實生活中亦同樣是孝順女一名，與媽咪情同姊妹的她，透露當年參選港姐是為了幫媽咪圓夢。

她說：「細細個已經覺得媽咪好靚，佢後生時好有氣質。到我大個化咗妝，企喺媽咪隔籬，啲人都系話我媽媽有氣質過我。媽媽講過有諗過選港姐，但奈何要工作，佢以前讀中學又玩體操，又識美術，我覺得佢其實畀我更適合入呢行。」

雖然入行後與媽咪少了機會見面，但感情反而更進一步，凱恩表示難忘母女二人一起穿畢業袍！原來林媽媽一直想圓夢讀大學，為了能與女兒同一年畢業，林媽媽很用功趕進度，也有現身節目的林媽媽說：「因為能夠同個女一齊戴四方帽影相，唔系好多人有呢個機會。」結果皇天不負有心人，母女一起穿上畢業袍，更手牽手拍了畢業照。

對於與媽咪一起努力完成學業，凱恩笑言感覺有趣，因不時跟進媽咪的讀書進度，林媽媽亦直指女兒比自己更像母親：「佢真系好孝順，好緊張我，有時我冇聽電話，佢就問我做乜唔聽電話，你去咗邊咁？」