林峯自認豬籠入水！食譚仔新品吃辣影響埋太太

自認經常不修邊幅

當問到出席今次譚仔雲南米線活動是否酬勞豐厚？阿峯笑說OK，多謝支持。問到賺得多可會獎勵太太？他坦言有正常畀家用，最近太太與囡囡來港，因為參加暑期班，所以會帶他們行街買東西支持返香港，他說：「太太唔一定要買包包，佢買嘢都幾實際，轉季咪買啲衫。」

阿峯又謂自己為工作才會經常要試衫，反而男生覺得試衫是一件疲倦的事，更自認經常會不修邊幅，鬍鬚生得快，朝早剃完下午生返出來，所以在《九龍城寨之圍城》扮演陳洛軍一角要面上有鬍鬚感覺好正，自己也喜歡不修邊幅的角色。

談到最捨得使錢用途，他笑言以前鍾意買玩具，後來發覺好阻地方，隨著年紀增長亦覺得沒地方擺放，所以也會將玩具捐給慈善機構。當提議可捐給喜愛玩具的吳卓羲，阿峯笑指對方有好多玩具。

談到將會到馬場擔任表演嘉賓，問到可會帶同太太同行？他說：「唔會啦！個女返緊學，呢啲地方比較熱鬧多人，小朋友唔方便。（賭運好嗎？）我自己係會員，但好少賭！主要去吃飯，同圈中朋友會入去聚會。」