陳曉華想拜郭晉安為師 何依婷孖羅子溢拍牀戲 獲老公支持

郭晉安﹑陳曉華﹑羅子溢﹑何依婷和陳星妤等，今天（9日）到機場酒店為TVB新劇《金式森林》（暫名）開工，拍攝家族慈善晚會戲分。

陳曉華穿上貼身露背晚裝裙，拍照時不停整理裙子，被誤會爆胎，她解釋：「因為冇地方放電話，就攝喺裙邊，太過男仔頭，唔係肥咗爆胎。」

她與安仔拍對手戲，在對方身上學習很多，她說：「我好似一舊海綿，不停去吸收，經常同佢講，好想要佢個腦，真係太勁，可以諗到太多嘢，也想拜師，已準備好斟茶，但唔知佢收不收我呢個徒弟。」

何依婷與陳星妤獲安排上台展舞技，為了這場戲2人排了2日舞，何依婷說：「有啲動作要用替身，因為講我要抱起陳星妤，我肌肉量支持唔到抱起佢，唔係佢太重，而係我太輕。」

她透露之後會有一場與羅子溢激烈牀戲，亦是她成為人妻後，首次拍這類戲，問可需要向老公備案？她說：「老公絕對體諒同支持，都已經係老婆啦，仲有乜嘢好呷醋？」陳星妤表示已上船拍了泳衣戲，覺得自己在這場戲已夠性感。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

郭晉安反擊前妻歐倩怡 稱房內冇痰罐：好難控制人哋講咩

郭晉安﹑陳曉華﹑何依婷和陳星妤等，今天（9日）到機場酒店為無綫新劇《金式森林》（暫名）開工，拍攝家族慈善晚會戲分。

郭晉安表示最困難是與陳曉華的感情戲，因2人年齡相差大截，要怎樣打動觀眾，經常和對方溝通怎去演得感情細膩，他說：「呢段感情最後都係冇咗，係一段虐心戲分。」但他沒有勾起離婚不快經歷，又指做戲還做戲，他分得清楚：「對我冇咩影響，過去就係過去，都要努力面對，亦要努力工作。」

對於歐倩怡曾談及當年患重感冒暈倒，卻遭安仔漠視冷待，安仔只說：「唔係真嘅，我就唔想再講，唯一真嘅，就係屋企房間唔會有痰罐，因為係套房。」

他表示沒有問前妻為什麽這樣說，因為2人已分開，各有各生活，他亦很難控制別人講什麽，自己入行後對不是真的事情，也不會高調回應，事情是真還是創作，要靠大家問對方。

歐倩怡這番言論被網民批忘本，安仔稱不想評論，至於獲網民讚地球多一個筍盤，安仔說：「多謝！多謝大家關心我同點樣睇我，無論好或唔好，我都會接受。」

談到前妻自爆玩交友App，跟不同男士約會，問安仔又可會持開放態度，期待第二春？他說：「人哋嘅嘢我唔講，我相信緣分，唔相信一個人到咗某階段，所有事情會停止，始終要向前行，任何事情都可以發生。」

問會否嘗試玩交友App？他笑道：「我好白痴，睇我社交平台都知唔係太活躍，對電子產品亦唔係好熱衷。」