港姐2024｜佳麗程姜月認似蔡潔有著數：有熱度多咗人認識我 | 香港01

TV昨日（15/7）假將軍澳舉行記者招待會，並安排《2024香港小姐競選》15位候選佳麗會晤傳媒。有翻版蔡潔之稱佳麗程姜月（Dolores)接受《香港01》訪問時，直言不擔心選美期間被爆黑材料。

她說：「因為自己係冇黑材料俾人寫，同埋而家我係單身，單身原因就唔係因為選美而分手嗰種。

（樣貌似蔡潔同李佳芯，會唔會有壓力？）壓力係有，但又唔想話唔想似佢哋嘅，其實呢個都係好事，但都有負面嘅影響，好處就係有熱度令到更加多人認識我，唔好嘅地方係會有壓力驚自己會有咩地方做得唔夠好。

（有冇睇佢哋啲劇？）好少，因為而家返工冇時間，好多時工作至凌晨一點先至返屋企，變咗冇時間睇劇。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

港姐2024｜佳麗吳芷靖心情未受「吸菸裸露照」影響：瞓得幾好 | 香港01

候選佳麗10號吳芷靖（Clary) 今日（16/7）現身將軍澳電視城出席《2024香港小姐競選》外景拜神。提到她自拍「吸菸裸露照」昨日在社交平台意外流出，令她形象大打折扣，引起網上熱議。

Clary接受《香港01》訪問時表示：「其實呢件事就冇影響到我自己，而且昨晚都瞓得幾好。（相關相片極速刪除？）其實噚日我已經答咗，咁所以我就唔想多。（日後Po相前會審慎啲？）我會小心啲。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

此外Clary今次會隨隊遠赴新加坡為港姐進行拍攝：「其實我仲未諗要帶啲乜，不過都會帶多啲護膚品同衫過去，過去5日好快就快嚟。」