港姐2024｜佳麗李曼思唔怕被爆黑材料：我冇夜蒲 | 香港01

候選佳麗李曼思（Adria）昨日（16/7）現身將軍澳電視城出席《2024香港小姐競選》外景拜神。

Adria接受《香港01》訪問時透露會出發到內蒙古進行港姐外景拍攝：「今次係好期待，因為我係未去過，不過我知嗰邊天氣係好熱同埋好乾，變咗我都會帶定防曬產品，同埋都會帶定好多補濕面膜過去。

（驚唔驚被爆黑材料？）唔驚，有咩黑材料。（有冇夜蒲？）我冇夜蒲。之前會約好耐冇見嘅中學同學，會玩遊戲嘅時候都會飲返一杯。不過自己嚟參選我係冇諗過要面對呢啲問題，當要面對呢啲問題嘅時候，又真係會壓力好大，自己係冇預備到。為咗唔影響選美心情，我係冇睇網民對我嘅評價。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

港姐2024｜佳麗陳紫佟母親參選過港姐：佢叫我以後唔好再講 | 香港01

現年18歲候選佳麗陳紫佟（Jessie)昨日（16/7）現身將軍澳電視城出席《2024香港小姐競選》外景拜神。

提到其母親曾經參選過香港小姐，Jessie接受《香港01》訪問時表示：「其實我唔係好知我媽咪喺邊一屆參選過，同埋佢亦唔知道我會攞出嚟講，所以佢都叫我以後都唔會再講呢樣嘢。

（媽咪當時入咗圍？）據我所知媽咪係面咗試，然之後退咗賽，再去咗美國留學。（有冇上網搵媽咪邊屆？）冇，因為我覺得時間太耐，應該搵唔返。同埋今次參選係媽咪提議，我係嚟完成媽咪嘅選美心愿。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

港姐2024｜佳麗陳甜甜努力學廣東話　唔怕講錯嘢：會大膽去講 | 香港01

候選佳麗9號陳甜甜（Rose）昨日（16/7）現身將軍澳電視城出席《2024香港小姐競選》外景拜神。

Rose接受《香港01》訪問時表示：「自己參選港姐要面對最大困難就是要講廣東話，希望大家俾啲時間我去學講廣東話，而我唔怕出錯都會大膽咁去講。

（參選其間擔唔擔心被爆黑材料？）我不擔心，因為我沒有，平時我比較喜歡獨處讀書，接觸人比較少，平常好少出去交往，我個人比較內向和比較安靜一點，所以沒有什麽。（現在感情生活？）暫時肯定單身，單身很久，已經有兩至三年。」