佘詩曼直言曾想過出貓靠背默記對白

被重提楊思琦拍劇被欺負：邊有咁多嘢搞

佘詩曼（18日）現身馬鞍山某小學為《星光熠熠耀保良》進行拍攝，與同學分享經歷，自言年少時也有反叛期和迷惘，不合格被媽咪責罵。

問有否出貓？她笑言：「有諗過出貓，中史科好難，要記年份、人名、地區、朝代，但唔敢（出貓），因為驚被取消資格，所以盡力以為。讀書係難，有時做得唔好父母鬧你，覺得唔憤氣，但你要諗清楚有否盡力，有盡力父母係睇到，做好自己才埋怨其他人睇法。香港教育水準高，學生和家長壓力大。」

阿佘自言當年中英數成績最強，放榜時心情緊張，畢業後赴瑞士升學。

問到拍古裝劇怎記對白？阿佘笑說：「我都有今日，慶幸讀書時有訓練記憶力和背誦，pick up唔難，鍾意演戲，記對白唔痛苦。」

阿佘表示其記憶法是背默，寫出來腦內過濾一次令印象深刻，拍攝《金枝慾孽》、《宮心計》以至《新聞女王》也是用背默方法，不過拍攝《金枝慾孽》比較難，因該劇對白即日「飛紙仔」。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

另外，提到近日梁思浩重提昔日楊思琦扮可憐被同劇女藝人欺負，誤為對方出頭疑錯怪女藝人。

當年與楊思琦合演《無名天使3D》的阿佘因而被牽涉，阿佘對此表示很多年前的事，已忘記了。

她說：「3個港姐一齊拍，打到嘔，邊有咁多嘢搞。拍攝前又要練功，又熱好辛苦，我只記得呢啲回憶。（楊思琦被指受欺負。）冇留意。」