娛樂
林峯9月澳門開個唱自嘲似Chok泥鯭！邀《城寨》兄弟一起看
談到將在澳門開騷心情，林峯說：「好開心，我好想回饋咁多年來嘅所有粉絲，好希望喺舞台上同佢哋儘可能近距離接觸，唱一啲佢哋喜歡聽嘅歌。」林峯續說：「我一直覺得演唱會係個Party，台上、台下都係Part Of The Show，我好希望每一位入場嘅觀眾可以玩得很開心。」
追問會否把《LOVE FLOWS》演唱會帶到香港，林峯透露：「我哋都籌備緊，要睇場地可唔可以配合到，當然我都希望可以。因為我覺得好嘅Show可以無止境，一個主題在基礎上有更多嘢可以去發掘，包括以前我哋做演唱會，每一場都希望可以令到觀眾有唔同嘅感官，總之入場你就知喇！」
歌單方面，林峯為滿足每位歌迷，或會加入一段Side Track環節，演繹從未正式在舞台上唱出的作品：「咁多年嚟我都聽過好多Fans同我講想聽邊啲歌，我都已經放入演唱會歌單入面，仲可以調整，希望大家好好互動，你話我知想聽咩歌！」
繼《九龍城寨之圍城》之後，林峯還有4部電影尚未上映，今年將會放更多時間在音樂發展方面。談到演唱會嘉賓，林峯預告有機會邀請圈中好友上台Jam歌，期待擦出前所未有的火花，當然他亦打算招待《九龍城寨之圍城》一班好拍檔過大海睇騷。
文章來源：網易娛樂
