連詩雅（Shiga）與老公陳家樂的小公主Camila今日出世喇！母女平安，小公主Camila重5.9磅，初為人父的家樂剪完臍帶既興奮又感動，抱著Camila 爆喊！

寵妻號的家樂連日向公司請假，要陪住太太入產房、親手剪臍帶，見證小公主誕生，看到囡囡眼仔碌碌，腳撐撐，心情更是久久不能平復，語帶激動說：「BB啱啱出咗世，好開心！出嚟已經非常之活潑，喺度郁手郁腳，佢哋話隻眼似媽媽，個鼻同口似我，但我唔係好分到，宜家仲有啲緊張有啲頭痛，頭先都幫BB剪咗臍帶，個經歷係好特別，好煙韌…..我唔識講。」

初為人母的Shiga同樣緊張，未正式推入產房時上身已經緊張到不停震，最後需要打了很少量鎮靜劑平復心情，Shiga說：「之前真係好緊張，上身不自主咁震，但到生嘅時候又發現冇想像中痛，囡囡又好乖好快就出嚟，見到囡囡出世一刻，好興奮、好感動，咩痛都唔記得曬！更神奇係囡囡喊嘅時候，只要抱佢喺自己身邊，佢自自然唔再喊！」

剛生完的Shiga表示感覺有點疲累，但為了囡囡健康已嘗試喂人奶，看到囡囡嘴鬱郁、手撐撐，所有痛和辛苦都變得值得，完全感受到母愛偉大！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

連詩雅否認入院生女都要化妝︰植咗上下眼睫毛

連詩雅（Shiga）上周四（18日）剖腹分娩，誕下5.9磅女兒Camila，事後被網民取笑入院生B都化妝。Shiga昨天在社交平台回應，強調她其實做了「植眼睫毛」，令自己素顏時也有化妝效果吧了。

Shiga說︰「用孕婦都安全用嘅膠水，植咗上下眼睫毛，咁就日日起身都可以FULL MAKEUP咁啦！冇搽其他嘢都可以做到呢個效果﹗」

新手媽媽連詩雅甫首張全家福︰只想好好保護她

連詩雅（Shiga）上周四（18日）入院誕下5.9磅女兒Camila，休養數天後已帶BB回家坐月。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

Shiga今天（24日）在社交平台分享與丈夫陳家樂及初生女兒的首張全家福，她中、英夾雜地說︰「Our first family portrait﹗（我們的第一張全家福）原來咁就過咗差唔多一星期，現在已經係媽媽啦﹗出院個刻望住BB，突然間好感觸哭起來，咁就過咗9個幾月。

望住呢個小生命，我只係想著，好想好好保護她，愛護她，希望她好好成長，開心快樂活著每一天就夠了﹗第一張一家三口嘅合照，爭咁屋企兩個寶貝，咁就一家五口啦，感恩﹗」