王丹妮羅孝勇蜜游巴黎睇奧運 變運動狂熱分子 瞓身撐港隊

巴黎奧運已開鑼，王丹妮（Louise）和老公羅孝勇（Sheldon）趁有4天假期，旋風飛赴巴黎，首次親身體驗奧運多項賽事，併到場為港隊游泳賽事打氣。

Louise、Sheldon去年底結婚後，因工作和讀書關係聚少離多，近日剛好2人難得有假期，適逢獲手錶品牌邀請，展開一次四天蜜游奧運之行，欣賞賽事之餘，順便遊覽當地。

雖然只得4天假期，但2人計劃周詳，這2天除置身奧運開幕禮中，還一口氣觀看了4場奧運賽事，包括七人欖球、柔道、沙灘排球和游泳比賽，Louise很開心和榮幸能親身為港隊打氣。

Louise興奮說：「人生第一次睇奧運，真係感覺難忘，開幕禮雖然落大雨，但無阻觀眾同運動員熱情，落住雨見證各個國家隊，坐船經過塞納河，真係好浪漫同好有巴黎特色。睇住唔同嘅歌舞表演，巴黎鐵塔嘅幻燈騷，最後仲有我喜歡歌手Céline Dion驚喜現身，一路聽一路起曬雞皮，超級感動同鼓舞，之後喺現場睇比賽，親身體驗熾熱氣氛，觀眾為自己支持隊伍打氣，唱歌跳舞，玩人浪真係好正!」

提到今次蜜游巴黎有何收穫，Louise說：「當然時間長啲就更好啦，但係4天都可以充實愉快。今次旅程好開心同另一半夾到4日時間，一齊參與世界體壇盛事，上年年尾結完婚都好似冇機會咁樣一齊出遊，今次對我哋有特別意義。我哋睇完開幕禮之後，仲睇埋七人欖球、沙灘排球、游水、柔道等，行程豐富。」

Sheldon大學時曾有玩過欖球及柔道，所以他看得特別興奮：「以前有打排球，亦都好期待睇沙灘排球。但係我哋最期待嘅一定係游水! 能夠喺現場大聲支持香港隊，為香港隊吶喊助威，興奮心情難以形容，亦都希望香港隊可以繼續再創佳績！」

Louise、Sheldon在4天行程中，連看多場奧運賽事，十足運動狂熱分子，Louise說：「其實由細到大都有參與好多唔同嘅運動，因為個人生得比較高﹑手腳比較長，中學入學嘅時候總會被運動方面團隊招攬，嗰陣時有join划艇，長跑同埋排球，仲好記得每個禮拜好幾日放學，都不斷咁同其他戰友一齊訓練，家諗番都係美好回憶。」

江旻憓奧運奪金｜網民大讚TVB主持何振然問得好　一安排盡見專業

香港劍擊隊隊員江旻憓在巴黎奧運女子重劍個人賽奪金，為港隊贏得今屆巴黎奧運首面獎牌，為港爭光，同時創下歷史，劍擊成為香港史上首個項目，連續兩屆奧運奪得金牌。

江旻憓賽後接受訪問時喜極而泣，激動地感謝大家的支持，表示：「我終於無輸」，並直言今仗打出了永不放棄的香港精神。

今次香港多個電視台都有派員到現場直擊採訪，無綫派出何振然率先訪問江旻憓，何振然於訪問中克制住自己激動開心的心情，在有限時間內問到江旻憓幾條重點問題，當中包括由落後到追平、膝頭傷患及對港人的說話等等，訪問有內容且非常有重點，更出現了「金句」，整個訪問過程可說是做得相當出色。

他其後再次訪問江旻憓，更安排到江旻憓跟香港直播廠坐鎮的隊友連翊希對談，可以隔空畀心心和飛吻。何振然將珍貴的訪問時刻留給二人，亦獲讚處理得很好，盡見專業、暖心又貼心。