巴黎奧運｜運動員任電視台旁述 表現惹熱議 張小倫盼積口福

剛退役的男子花劍「大師兄」張小倫有份為HOY TV擔任奧運星級主持，今天（28日）張小倫在社交平台爆Seed，盼大家尊重運動員及在電視台做旁述的運動員。

張小倫寫道：「做香港運動員就係咁，一有成績就係到呱呱嘈，冇成績就係到X，咁細個地方岀到奧運冠軍級別運動員，你估容易丫！要犧牲幾多代人嘅努力同付出，犧牲幾多位運動付出嘅年輕人，你又識得幾多個？？？

唔該大家評論運動員去唔同電影（視）台做旁述嘅時候，積下啲口福，個個捱更抵夜去講專業運動知識俾你哋聽，雖然我哋唔係專業，但係我哋係流住運動員嘅血，係一世㗎，希望分享多啲運動員嘅經歷，有得去參與奧運嘅運動員，我哋當然要幫佢哋打氣，冇得去嘅一樣喺唔同崗位默默努力，不論輸贏係咪都要尊重啲運動員，佢哋用人生最青春嘅時光﹑用努力意志去克服唔同嘅比賽同傷患，希望可以有一日踏上頒獎台，證明自己。

其實冇得去參加奧運嘅運動員，都好大勇氣行岀來去做運動旁述，仲要比大家批評，我性格就係咁有個句講個句，唔鍾（鍾）意我哋嘅好似睇電視一樣，撳個掣轉台或者熄機。講完今晚繼續OT，香港運動員無論你哋輸贏，永遠係我心中都係世一。」

蔡俊彥昨日（27日）全日留喺錄影廠直擊「世一劍後」江旻憓（Vivian）奪金過程，不過可能係第一次做主持，唔太習慣面對鏡頭，好多嘢發言時都無望鏡頭，甚至有時會出現dead air 位。而喺決賽一場，蔡俊彥或者係太投入兼緊張，有時連資料都唔記得，要由楊翠玲補充，畫面有趣，連強尼都忍唔住問蔡俊彥係咪好眼瞓, 但蔡俊彥就話：「我好緊張，認緊點講觀眾易明啲。

」不過蔡俊彥亦有貼心位，例如會提醒捱夜睇比賽嘅觀眾較細啲冷氣、飲多啲水，而佢一句「菠蘿戰勝法包」亦獲不少網民有創意。

事後有網民喺Threads發帖指蔡俊彥主持功力有待改進，估唔到竟然引到正主回覆：「真係唔好意思！第一之做，仍努力學習中，請多強包容，比多次機會啦bro」蔡俊彥呢個回覆即獲過千讀好，亦有網民指「識打劍唔代表識旁述，識旁述又唔代表hold到成個節目氣氛節有嘢。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

今次香港多個電視台都有派員到現場直擊採訪，TVB派出何振然率先訪問江旻憓，何振然於訪問中克制住自己激動開心的心情，在有限時間內問到江旻憓幾條重點問題，當中包括由落後到追平、膝頭傷患及對港人的說話等等，訪問有內容且非常有重點，更出現了「金句」，整個訪問過程可說是做得相當出色。

未完待续,请点击「下一页」继续阅读

他其後再次訪問江旻憓，更安排到江旻憓跟香港直播廠坐鎮的隊友連翊希對談，可以隔空畀心心和飛吻。何振然將珍貴的訪問時刻留給二人，亦獲讚處理得很好，盡見專業、暖心又貼心。

ViuTV記者饒家輝在採訪在64強止步的港隊柔道女將王嘉莉時，其訪問表現被網民洗版式怒轟，指他語氣又倔又差﹑似質問多過似訪問。

饒家輝問王嘉莉：「完成第一場奧運比賽覺得點？」王嘉莉坦言不滿意自己表現，饒再追問她：「唔滿意喺邊度呀？」王嘉莉回答：「其實係比賽前係咁研究，諗點樣防守得好啲，但最後都係做唔到。」

饒家輝續問：「你賽前都講過想同佢斗立技，但比對手拖到用寢技，最主要關鍵係咩呢？你有一刻做漏咗咩？」、「你覺得蒙古教練教你嘅嘢，呢場比賽你拎咗出嚟有幾多？拎到幾多嚟用？」