莊韻澄離婚丨呂成忠自揭帶仔返台灣原因

莊韻澄續說：「唔好浪費大家時間！我就成就你所想！要撕開肚皮去面對700萬以上人，講真我公開出得聲明就預咗，我唔會再受呂成忠威脅，因為我係公眾人物關係，呂成忠先生每日用不同嘅存檔去威脅我或聲言公審我！我會勇敢去逐一回應，我係人、都有情緒都會做錯事！一切都只係證明呂成忠先生點樣去繼續傷害我同個仔！雖然我冇呂成忠先生咁多計謀咁多設計，但你做過鬧過我嘅鬧過我身邊朋友嘅，唔多唔少都會有記錄！呂成忠先生想用公審形式去傷害我唔緊要！但呂成忠先生一定記得一句說話贏場交輸個家！」

莊韻澄再說：「至於有人用傷害人嘅方式，利用人哋嘅家庭糾紛去增流量及利益實屬卑鄙行為！再次重申本人並無自殺傾向！如果要自殺早死咗，唔使咁努力積極去工作！就算受盡天下人言語攻擊！我都會以事實去回應！請呂成忠先生兌現你嘅誓言，只要你講一個大話以後都冇得見個仔！多謝你哋令我變得更堅強更勇敢！即使我孤身1人要面對你發動嘅一切事情，我仍然會坦然面對！

畢竟呢件先係我人生大事！我係應該面對我嘅人生！我會繼續我嘅工作繼續去湊仔繼續去陪我媽咪，繼續見想見我嘅朋友繼續出IG繼續我精彩嘅人生！我記得自己好細個嘅時候整傷自己，傷口好痛時我會同自己講︰心啦！好返呢就會唔記得咗當時有幾痛！我會每日喊住同自己講一次甚至更多次！但傷口一定會好返事情一定會過去！情緒同傷心一定有但我一定會好返！」

呂成忠曾經破產

莊韻澄在2016年與性上癮的張致恆結束近三年情，她曾在節目中重提當年遇上出軌渣男，並淚流滿面表示：「未試過有男友係有咁多外遇！」

其實莊韻澄2020年與細5年的呂成忠閃婚前，呂成忠都被爆出欠債、失業、破產，曾被收數公司上門追債等傳聞。當時有報道指呂成忠經常轉工，曾從事銀行借貸部、保險經紀、Uber司機。

莊韻澄曾指呂成忠從事IT行業，二人於一年多前認識，被對方力追下打動芳心，之後不時陪伴她出席活動，又做司機管接管送。

莊韻澄公布婚訊後向外介紹未婚夫是自己的「經理人」，免費替自己工作。莊韻澄更大讚未婚夫細心溫柔值90分，直言會一直在他身邊支持同陪伴，不會因為他的過去而放棄對大家的承諾。