鄭裕玲批評奧運主持採訪似審犯欠同理心：派人出去訪問有無要求？

鄭裕玲批評奧運主持採訪似審犯欠同理心：派人出去訪問有冇要求？

近日巴黎奧運進行中，各大傳媒都爭相希望做到好睇的訪問，將運動員的說話傳遞畀觀眾。不過，觀眾對電視台的旁述和主持表現有讚有彈，而鄭裕玲（Do姐）亦有發表看法。

日前Do姐伙余迪偉、余德丞、傑朱在商台節目《口水多過浪花》開咪時，就關注到有記者訪問時運動員時似審犯：「我自己想講少少嘢，係咪有陣時派出去，去訪問嗰啲人，其實有冇要求呢？有時候有少少審犯咁樣嘅，我唔知係咩心態啦，係咪咁呢應該？」

有份做奧運主持的余德丞都明白記者的追訪需要，但亦認為訪問應以運動員為本，要尊重他們的感受。

Do姐認為被訪的運動員有些是獲得獎牌的，但亦有些是成績未如理想的，採訪時應有同理心，避開難堪問題：「而家接受訪問嘅唔係個個都攞咗個牌、好成績嗰啲，可能佢係唔好成績、失落咗、或者失誤咗，佢都未嚟得切自己唔開心，就已經要面對你嘅質問喇，佢想喊都冇時間，你已經問『點解你要咁樣啊？』『你失敗咗有啲咩感覺呀？』」Do姐就覺得不是太好。

雖然Do姐冇開名，但就不難令人聯想到她所講的是ViuTV的駐奧運記者饒家輝，早前他採訪64強止步的港隊柔道女將王嘉莉，對方落敗後，饒家輝問：「完成第一場奧運比賽覺得點？」王嘉莉一臉難過表示不滿意自己表現，他再追問：「唔滿意喺邊度呀？」王嘉莉回答：「輸嗰下其實係比賽前係咁研究，諗點樣防守得好啲，但最後都係做唔到……」

他之後又問：「你賽前都講過想同佢斗立技，但俾對手拖到用寢技，最主要關鍵係咩呢？你做漏咗咩呢有一刻？」、「跟咗蒙古教練一段時間，你覺得蒙古教練教你嘅嘢，呢場比賽你拎咗出嚟有幾多？拎到幾多嚟用？」

而另一條片，饒家輝訪問桌球代表黃鎮廷杜凱琹，二人成功晉級桌球混雙8強，饒家輝問：「頭兩局分差唔係贏得好大，但係都叫攞咗兩個得分，不過後尾爭啲畀人壓迫返上嚟，嗰度發生咗啲咩事？」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

未完待續,請點擊「下一頁」繼續閱讀