TVB力捧港劇首秀遇男神黃宗澤！林正峰與戴祖儀爭坐右邊位斗貪靚

「小鐵三角」成員當中，以林正峰Niklas所需應付的對白最多最Kick口，談到背對白心得，Niklas笑言都是功多藝熟及爭分奪秒，並笑言全靠Joey鏡頭後經常與他玩互串幫助提神：「好多對白都係即背即拍，挑戰性好大，嗰幾日都係通宵嘅，但都好Enjoy好開心。其實都攰到一cut機就可以即刻瞓著，但又要忍住唔可以真係瞓著，因為要換機位嘅時間背下一場嘅對白。好彩有Joey同我互相窒下對方，否則好難捱（通宵）。」

Niklas又自揭與Joey都是貪靚王：「我同戴祖儀都係右邊面（上鏡啲），所以我哋會輪住睇嚇邊個坐邊個右邊。」並透露某些場口對白至少20頁紙，難度頗高。

法證先鋒VI丨蔣祖曼挑戰搞笑路線

除法證新成員，是集兩位男主角Bosco及袁偉豪均有新感情線，分別是飾演名模苗娜娜的蔣祖曼（Joman）及珠寶設計師吳書婷的傅嘉莉，當中以飾演硬朗專業人士見稱的Joman，這次將挑戰自己首度在劇集中行搞笑路線。

Joman受訪時坦言感激佳導賞識：「佳導搵我時同我講：『Joman，係時候試嚇唔同嘅嘢喇喎，今次有個好好玩嘅角色畀你做。』雖然我做咗演員好多年，但我都有好多角色未試過，同埋我一路以嚟演嘅角色都唔係我嚟，雖然我個樣好似好專業，但其實真人唔係咁，所以我每次做功課都會失眠，擔心觀眾會唔會唔習慣唔鍾意。」

法證先鋒VI丨與Bosco首度合作

談到《法證先鋒6》角色，Joman透露是一名自帶喜感、有信心兼自戀的超級名模，並笑謂與自己有少許相像：「佢都係睇落好硬淨，但其實係鱷魚頭老襯底，又有少少喜劇性質喺度，我好希望可以拎住呢份可愛。我個人都有喜感嘅，但因為我勁I（Introvert），要對住好熟嘅朋友先表現到出嚟。」

談到與Bosco首度合作，Joman笑言「初初好驚佢」：「因為佢做嘢好認真，睇落去好似好惡咁，但事實佢係超Nice，好感激Bosco拍攝時幫咗我好多，佢所有嘢都好快好准，又會主動畀意見我。」

法證先鋒VI丨短時間激減15磅

除首度挑戰喜劇角色，是次亦是Joman拍劇以來最多靚衫著的一次，為了著出名模感，本身已算瘦底的Joman，更在短時間內激減15磅精益求精。

Joman謂：「我一接咗部劇第一樣嘢係減肥，因為至少外形都要說服到觀眾係Model先，所以唔可以畀自己有多餘嘅肥肉。準則係如果身邊人話我瘦咗好多，咁就唔啱喇，我目標係減到大家都要話我瘦得滯。今年年頭，大家都話我瘦得滯，嗰段時間應該係我人生最輕。但當我減完試造型，就好慶幸自己Keep咗弗，嗰啲衫真係有少少肉都著唔落，同埋有啲衫係設計師自己嘅Show Piece，由手袖、首飾到腳嘅配搭都係落足心思。」