林穎彤擾亂罪名不成立終還清白！鄭雋熹被判公開要求做女友
現時案件已經完吉他表示感覺自由一點，因為不需要時常來這𥚃，他又笑言林穎彤曾經講過若他被定罪就會做他的女朋友，雖然不知道現在算不算，更著記者幫他問對方，問到是否很喜歡林穎彤？他說：「係人都鍾意佢。」
他又謂這段時間對自己有很正面的影響，沉澱過後亦會重新出發，現時亦覺自己成長了很多，他表示待會會相約林穎彤食飯，笑指這餐飯已等了一年。
「不開心連累了鄭雋熹」
至於林穎彤就指開心終於可還自已一個清白，但不開心的是連累了鄭雋熹：「佢當日真係嚟搵我，而家改咗佢嚟醫院影相，但明白嘅，因為佢見到我俾人推，呢個都係事實，所以心情係複雜，自己好似可以出返啖氣，但係搞到朋友。」
提到鄭雋熹指她曾講過若罪成的話就肯做他的女友，林穎彤笑說：「佢話點就點！」又指剛才在法庭也有跟對方講不好意思：「佢都話唔介意，我知佢想保護我所以拍低，但無奈醫院唔可以影相。（呢個男友靠得住？）已經男朋友？我應承話乜都得嘅意思係…都要溝通下，而家搞到佢我個心都好唔舒服，佢屋企要有人清潔、洗碗，做咩做到我都做，我只能夠做呢啲，我都唔知可以還啲咩俾佢。」
至於會否替對方交罰款，她笑指：「我唔知，我覺得欠咗佢，唔止係罰款，各方面佢話點就點，煮飯罰款搵錢全部我做曬，想公開喺度同佢講聲，唔好意思，因為約咗我食飯而搞到佢咁樣。（感情上有冇嘢要公開？）而家年紀大，已經31歲，希望將來嫁得出。」
林穎彤表示案件完結後，也會著重於個人的生意和讀書，不會做太多幕前工作，問到在拍攝方面會否請鄭雋熹幫忙，她即笑指現在不敢叫對方拍攝任何東西，現時自己需要一點時間內消化情緒。
她說：「雖然件事唔係好大，但都有無形嘅壓力，而家要梳理嚇先，自己嘅角度就係等家姐，除咗呢件事之外，當時都仲有好多後續、言論壓力會造成心理壓力，都會唔開心。」
她又感激法官明白當時自己的立場是在等家姐。另外，問到也屬被告之一的同母異父家姐情況，林穎彤就表示家人的事不想講。
