娛樂
關嘉敏簽TVB遭洗版2年鬧反骨！入行8年靠扮譚輝智登熱搜榜第一嚇親
關嘉敏簽TVB遭洗版2年鬧反骨匿埋喊 入行8年靠扮譚輝智登熱搜榜第一嚇親
29歲的關嘉敏（Carman）在TVB綜藝節目《福祿壽訓練學院》中神還原《夢中人》的王菲；又女扮男裝變身《屈到病》「痰輝智」，扮嘢扮到上曬身登上「人氣熱搜」榜首，入行8年第一次。
對於3年前，參加完ViuTV《全民造星3》後加盟TVB，被插「反骨無情」鬧足兩年，又撞正祖母離世，Carman當時有苦自己知，只能匿埋屋企喊。家陣貴為扮嘢新一代，已非二打六的Carman，自信滿滿咁話：「有能力嘅人去邊度都會發光！」採訪：方騫平 攝影：羅安強 場地：Amelia@海運大廈
關嘉敏在《福祿壽訓練學院終極對決》中，學足譚輝智(FC)唱歌時的扭曲表情和嘴形，再配合機械式舞步，䁽眼望以為係本人，最搞笑連FC仔女都以為係爸爸。
原來Carman扮FC有段故：「我好佩服李思捷嘅眼光，我曾提出扮肥媽、周秀娜、朱咪咪等，有晚佢望住我張相3粒鍾就叫我試下扮佢(譚輝智)，而王菲都係佢叫我扮，我信佢。」
想譚輝智著裙扮阿妹
從未扮過嘢嘅Carman絞盡腦汁演出，逐格重溫FC唱《屈到病》及其訪問動態，她笑說：「感覺突然好熟悉呢個人，好有親切感，(做咗佢Fans？)我又唔夠拉姑撼呀，不過，如果可以合唱及一齊拍劇就好喇。」
Carman仲有好多鬼主意，「既然FC都話我哋咁似，我哋可以演兄妹，由佢做哥哥或者戴假胸、著裙反串扮阿妹，咁樣好有喜劇效果，但佢始終係爸爸身份，唔知肯唔肯。」
Carman曾是女子組合BINGO成員，出道8年只出過團歌未有Solo，故好恨有自己作品：「多年來Keep住有練歌，從來冇放棄過，唔想因為拍劇及做綜藝失去初心，期待乘勢爭取唱歌機會。」
未完待續,請點擊「下一頁」繼續閱讀
文章來源：搜狐
