TVB老戲骨在護老院生活！內地女友唔願畀錢來港探望被逼分開
2024-09-05 影墨 1713
直擊秦煌護老院生活雙腳腫曬仍好胃口
內地女友唔願畀錢來港探望被逼分開
76歲行動不便的秦煌獨居無依，今年3月在青衣酒店房跌倒送院，之後安排入住護老院。秦煌形容在護老院的3個月生活因禍得福，事關獲社福機構每月給予$11,000住院生活津貼，另有$4,000綜援，三餐不愁，唔使急於抱病開工「撲水」，坦言安樂哂。
《星島頭條》記者於晚飯時段探望煌哥，雖然雙腳腫曬，但胃口唔錯，掃清時菜肉片飯，但本來笑笑口的他，講起久未見面的內地情人Mary即一臉無奈：「過去式喇。」採訪：方騫平 攝影：譚志光
近300磅的秦煌送院後發現有貧血、營養不良，而且多處機能循環唔好導致雙腳浮腫，目前每周被安排去醫院做物理治療。
另外，12年前在劇集《法網狙擊》跟他結緣的陳煒，亦慷慨出錢安排按摩師每周上門。
雙腳腫如「裹蒸糉」
煌哥要全天候著尿片，隔日會有職員幫他沖涼，由於要方便坐輪椅的院友上落床，所以住在只得布簾分隔的大房，不過每朝起身後，他會被推往所屬的私人空間開飯及睇電視。煌哥稱已習慣老人院生活，對於院舍膳食質素及照顧安排，亦好滿意。
《頭條日報》記者探望煌哥當日正值晚飯時間，他掃清時菜肉片飯，食得津津有味並滿足地說：「入院初期戒飯，故落咗60磅，肚腩都細埋，𠵱家唔敢太瘦會食返一碗細飯，有返飯氣面色都好啲。」
不過，他稱就算瘦咗都要著10XL褲頭。講到身體狀況，煌哥形容都ok：「右腳好有力，左腳就差咗少少，可以扶住企起身再扶住行兩步，但我好驚，冇乜信心行得耐。」記者見到著咗鞋的煌哥，雙腳腫到似「裹蒸糭」，右邊小腿又包咗紗布，他解釋是久久未癒的小傷口：「職員好緊張，會幫我包好傷口。」
未完待續,請點擊「下一頁」繼續閱讀
