港姐2024︱盧凱怡無懼試戴后冠魔咒 倪樂琳陳甜甜楊梓瑤信心十足

港姐2024︱盧凱怡無懼試戴后冠魔咒 兩佳麗決賽前夕病倒

《2024香港小姐競選決賽》明晚（15日）在將軍澳電視城舉行，一眾佳麗今天穿泳裝見傳媒，（4）謝淑怡及（6）李曼思因病缺席，只得13位佳麗現身。

眾佳麗穿上紅色兩件頭泳裝，以（9）陳甜甜、（10）吳芷靖及（12）鍾翠詩最吸睛；（14）楊梓瑤愈戰愈勇，狀態甚佳。（8）盧凱怡獲抽中試戴后冠，由2023年港姐冠軍莊子璇「加冕」。

盧凱怡受訪時稱對被抽中試戴后冠感到驚訝︰「頭先真係好似頒緊獎畀我咁﹗今日綵排一次，希望聽日都有機會戴到后冠﹗試戴后冠係魔咒？前幾年聽過，但去年已被莊子璇打破。我覺得一切魔咒都係事在人為，只要自己有實力同水準，任何魔咒都可以打破。」

她表示（2）倪樂琳、楊梓瑤等佳麗表現出色，大家的優點也不同，要視乎評判及網民支持。

對於謝淑怡及李曼思因病缺席，盧凱怡說︰「唔知佢哋具體情況。噚日綵排時間好長，佢哋陣間會參與總綵排，會了解嚇佢哋情況。大家都要保重身體，希望佢哋聽日順利。我會保持心態迎接決賽，總之唔好怕輸，亦都唔好諗住贏，要做好自己同表現出最自信一面。」

港姐2024︱倪樂琳陳甜甜楊梓瑤信心十足 秦冀雯不滿被指衣不稱身

《2024香港小姐競選決賽》明晚（15日）在將軍澳電視城舉行，一眾佳麗今天穿泳裝見傳媒。大熱的（2）倪樂琳自言愈來愈有信心︰「明天決賽，我一定要愈戰愈勇﹗有14位好姊妹相伴，我唔害怕﹗我冇壓力，反而想快啲結束，就可以食快餐﹗我鍾意食熱氣嘢，但又驚爆瘡。噚日綵排太攰，我偷偷買零食。」

未完待續,請點擊「下一頁」繼續閱讀