王嘉慧熒幕初吻獻朱敏瀚 化身后羿嫦娥 上演超時空之戀

以「心連一線 中秋團圓」為主題的中秋節宣傳短片日前播出，由TVB小生朱敏瀚和「東張女神」王嘉慧主演。

2人在片中放閃無極限，包括在中環街上拖手狂奔、牀上甜蜜依偎、浪漫喂食等，之後2人深情擁吻，畫風突然一轉，他們換上古裝，分別化身后羿和嫦娥，大玩穿越上演超時空之戀！

宣傳片另一亮眼位，非王嘉慧的百變造型莫屬，畫面養眼。王嘉慧笑言為今次宣傳片獻出多個第一次：「今次第一次拍相關類型嘅片段，導演事前都叫我睇相關短片，等我拍攝可以容易啲代入角色，聽到呢個故事時，我都覺得好悽美，覺得成個故事好吸引人。」

王嘉慧透露拍攝有很多難忘事，特別在晚上於無人中環街頭狂奔，感覺新奇有趣；她指今次亦是首次嘗試古裝Look，她說：「入行以嚟都好想試古裝，今次終於試到，仲要係扮嫦娥！呢個Look除咗好有仙氣之外，仲係好有型，我都好鍾意！」

講到與朱仔拍攝咀嘴鏡頭，嘉慧害羞說：「今次係我嘅熒幕初吻，事前我好緊張，拍緊嘅時候唔係好敢呼吸，有少少閉氣感覺，朱仔佢叫我放鬆啲，最後都好順利咁完成拍攝。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

唐詩詠中秋帶爸爸入戲院支持港產片 一句說話令老父擔心

昨天（17日）中秋節，唐詩詠陪爸爸入場看劉俊謙、董瑋、伍允龍、蔡思韻主演的電影《武替道》。詩詠分享與爸爸看戲後的對話︰「團團圓圓之餘，一齊支持香港電影，睇到一部講述武術指導嘅電影，好感動。爸爸問：『你以前拍打戲都係咁㗎？』我：『係呀 ，我真係自己撻落去㗎。』爸爸靜咗兩秒。我：『太難嘅動作，有替身俾我嘅。』爸爸：『嘩﹗佢哋都好辛苦。』第一次見到行外嘅人明白武打究竟係咩一回事，第一次feel到爸爸真係擔心我。感謝所有曾經教導同保護我的每一位武術指導﹗ 武替道 支持所有為動作戲付出嘅人」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

陳家樂新劇煞科歸心似箭 中秋前夕回家陪妻女過節

連詩雅（Shiga）今年7月中誕下女兒Camila，當時身在馬來西亞開工的陳家樂回港陪老婆入產房分娩。由於只向劇組請了一星期假，家樂在女兒出世一星期後更飛返大馬繼續拍攝工作。

直至日前（16日）終於回港，陪太太及已經兩個月大的女兒過中秋，一家人團團圓圓。Shiga日前在社交平台分享戴住口罩的家樂回家後，立即入房看女兒時的照片。她說︰「PAPA IS FINALLY HOME﹗」