孔德賢光速儲齊10個車牌想轉行？曾鬧桃色糾紛一度影響演藝事業
孔德賢密集式溫書
孔德賢續指Part 2考試的內容比較複雜：「佢會比一個建築物名你，要你講返條街名。又有一part係俾兩個location（地點），考你用邊條路線係最短距離。Part 3，就係道路使用者守則，即係考車最基本嘅筆試進階版。經過我一個期嘅密集式溫書，最後成功用咗45分鐘，就考曬成個試，最終1 take pass，好彩我有去上堂，如果唔係都唔會記得咁熟。」
孔德賢一度被考起
之後孔德賢講重型貨車牌：「第二個考嘅牌就係重型貨車牌（19號）即係大家係街見到嘅垃圾車／運魚運菜車嘅size。呢架車必需係棍波操作，而且上落波個陣要用兩下極力子（離合器），同埋係考試路線會出現用兩條線轉彎嘅情況，因為架車太大，所以真係考起我。
再加上掉頭泊位係需要5手掉頭，比起私家車嘅3手掉頭難好多。好彩師傅好細心咁教我而且又要就我時間，成功1 take pass。因為考到19號牌，所以就自動有埋中型貨車牌18號。即係話宜家大家街上面見到嘅貨車我都識揸啦」。
孔德賢考大巴原因
孔德賢提到考私家大巴及公共大巴的原因：「第三個考嘅就係9號10號，私家大巴／公共大巴。因為我考咗19號牌嘅原因，考試路線大同小異，而且車身又比重型貨車細，同埋用3手掉頭，所以上咗幾堂又輕鬆1 take pass，即係大家喺街見到嘅小巴／巴士我都可以揸啦」。
孔德賢稱熟能生巧
已多次在IG出PO曬機車相的孔德賢，表示機車牌是其第四個考取的車牌：「第四個考嘅牌就係機車牌（3號，22號）即係棍波機車加自動波機車。呢個牌我都覺得幾難，因為機車嘅操控同其他車實在太唔同，轉波同轉彎都兩件事嚟，不過都係熟能生巧。考完強制試我就去搵咗師傅學車，最難嘅斜路8字都比師傅輕鬆拆解，教我邊啲位要做啲咩，令到我覺得斜路8字比想像中簡單。最後輕鬆1 take pass」。
未完待續,請點擊「下一頁」繼續閱讀
