東張主持魏柏豪宣布離巢

喪跑追訪李鄭屋邨裸男成最後一擊 空少出身曾被力捧入男團

TVB節目《東張西望》日前報道在深水埗居有一名中年大叔於球場做運動後全裸，街坊直斥大叔行為變態，東張主持魏柏豪喪跑追訪，二人在同一條街道上來回狂奔近10次，場面爆笑成為熱話。

原來當日是魏柏豪在東張的離別之作，這名2020年因參加《衝上雲霄大選》34歲男主持已宣布離巢，重操故業做空少。

魏柏豪昨日（10日）在IG公布離巢消息，貼出多張在《東張西望》擔任外景主持的工作照，見到日灑雨淋非常辛苦，試過在疫情期間穿上保護衣入疫區，又試過在暴雨下採訪，還有全身連口罩都濕透，而且滿腳泥濘的照片。

魏柏豪分享多張與「東張女神」梁菁琳、王嘉慧、李旻芳及梁敏巧等人的合照，並發文指：「好多人呢幾日問我點解咁跑得，其實係10月5號我已經離開左東張西望啦。2021年12月1號係我第一日開東張，嗰排covid時期最深刻係成日都要去拍啲爆發既地方，睇返自己初初拍嗰啲item同vo，真係成嚿飯咁，風吹雨打日曬雨淋，但每次都有導演攝影撰稿喺度，成set crew一齊寓工作於娛樂。

喺呢2年幾3年唧時間，多謝東張入面每一位唧耐性同照顧，本身其實份人好i，連做街訪都覺得尷尬到一個極致，到後來 「ready? roll咗? 直接嚟啦gogogo」。

多謝東張西望台前幕後所有人，更加多謝有睇東張西望支持我哋嘅你哋，大家請繼續支持東張西望，下星期就有另一種挑戰了，加油」，不少與魏柏豪合作過的前同事和受訪者都留言祝福。

魏柏豪曾被推做Super Tiger成員

本身做過地勤及七年空少的魏柏豪參加《衝上雲霄大選》入行，2021年加入TVB後主力做主持，也曾與其他前空姐空少拍過劇集《非常日誌》。

魏柏豪訪問時一向較正經，他之前另一代表作就是訪問何伯、何太。

早前阮兆祥及李思捷《福祿壽訓練學院》抽水扮兩位新聞人物，魏柏豪都有幫忙演出。其實魏柏豪都曾獲力捧，TVB在新年期間推出10人男團「Super Tiger」於賀歲節目《恭喜發財好運來》壓軸登場表演，他都為成員之一。

《衝上雲霄大選》其餘參賽者很多已更早離巢，包括冠軍麥大力、亞軍盛勁為都已做回機師，原本為空少的季軍陸煥恆更變為機師。

參選後曾入藝訓班拍過《愛‧回家之開心速遞》的吳洛汶亦已重返空姐崗位，現時只有史穎喬及陳國麟等仍留在TVB。